पटना, २४ अक्टोबर (हि.स.)। बिहार विधानसभा चुनाउको पहिलो चरणको मतदानमा अब दश दिन मात्र बाँकी छ। यसबीच सबै पार्टीहरूले चुनावी र्याली र जनसभाहरू आयोजना गर्दै मतदाताहरूलाई आफ्नो पक्षमा ल्याउन प्रयास गरिरहेका छन्। यसैक्रममा आज प्रधानमन्त्री नरेन्द्र मोदी समस्तीपुर र बेगूसरायमा चुनावी र्याली गर्ने कार्यक्रममा रहेका छन्।
चुनावी जनसभाको अघि प्रधानमन्त्री मोदी कर्पूरी ठाकुरको गाउँ कर्पूरी ग्राम पुगे र जननायक कर्पूरी ठाकुरलाई श्रद्धाञ्जली अर्पण गरेका छन्। यस क्रममा उनको साथमा बिहारका मुख्यमन्त्री नीतीश कुमार पनि उपस्थित थिए।
प्रधानमन्त्री मोदीले शुक्रबार समस्तीपुर जिल्लाको कर्पूरीग्राम भ्रमण गरे, जुन कर्पूरी ठाकुरको जन्मस्थल हो। उनले ठाकुरका परिवारजनसँग भेटघाट गरे र स्व. ठाकुरलाई नमन गरे। केही समयमा उनी समस्तीपुरको दुधपुरास्थित हवाईअड्डा मैदानमा ठूलो जनसभालाई सम्बोधन गर्नेछन्। चुनाउको मिति घोषणा भएयता बिहारमा यो उनको पहिलो चुनावी कार्यक्रम हुनेछ।
यसै महिना सुरुमा प्रधानमन्त्री मोदीले कर्पूरी ठाकुर कौशल विश्वविद्यालयको भर्चुअल उद्घाटन पनि गरेका थिए। उनले यस अवसरमा भनेका थिए, कसैले सोशल मिडिया टिमले कर्पूरी ठाकुरलाई जननायक बनाएको छैन—बिहारका जनता नै उनलाई जननायक बनाएका छन् र नागरिकहरूलाई यस पहिचानलाई हडप्न प्रयासको विषयमा सचेत रहन आग्रह गरेका थिए।
हिन्दुस्थान समाचार / भवानी थामी
