कटिहार, 26 अक्टोबर (हि.स.)। बिहारका पूर्व उपमुख्यमन्त्री एवं राजद नेता तेजस्वी यादवले आइतवार कटिहार जिल्लाको प्राणपुर विधानसबा अन्तर्गत आजाम नगरमा आोजित एक चुनावी जनसभालाई सम्बोधन गर्ने क्रममा भजपा र जदयूलाई लक्षित गरे। उनले भने, नीतीश कुमार पलटी मारेर भाजपामा गएका हुन् र भाजपालाई बिहारमा स्थान दिने काम पनि उनले नै गरेका छन्।

तेजस्वी यादवले वक्फ बोर्ड संशोधन बिलको विरोध गर्दै भने, यो बिल मुसलमानहरूको विरोधमा छ र बिहारमा उनको सरकार बनियो भने यसलाई फोहोर दानीमा फालिदिनेछ। उनले भने, भाजपाले मुसलमानहरूलाई सताउनको लागि यस किसिमको बिल ल्याइरहेको छ।

तेजस्वी यादवले नीतीश सरकारमाथि चिटर-को आरोप लगाउँदै भने, उनले हाम्रो योजनाहरूको नक्कल गरिरहेका छन्। उनले भने, हामीले पेन्शन बढ़ाउने कुरा मात्र गरेका थियौं नितीश कुमारले हतार-हतार पेन्शनको राशिलाई बढ़ाएर 11 सय रुपियाँ बनाइदिए।।

तेजस्वी यादवले भने, मेरो उमेर कलिलो भए पनि वचन पक्का छ। जे भनें, त्यो गरेँ र जे भनिरहेका छौं त्यो पनि गर्नेछौं। तपाईहरूले नै निश्चित गर्नुहोस् परिवारमा सरकारी नोकरी चाहिन्छ कि मात्र 10 हजार रुपियाँ।

उनले भाजपालाई लक्षित गर्दै भने, उसले हुलदंगा मात्र गराउँछ अनि हिन्दू-मुस्लिममाझ झगड़ा गराउँछ। भाजपाले घृणाको राजनीति गर्छ। तर हामीलाई यस्तो सरकार बनाउनु छ जहाँ सबै जाति र धर्मका मानिसहरूले सम्मान पाउन्। वी आई पी प्रमुख मुकेश साहनी, प्राणपुरबाट राजद प्रत्याशी इशरत प्रवीण सहित मञ्चमा महागठबन्धनका केही नेताहरू उपस्थित थिए।

हिन्दुस्थान समाचार / उष्णता छेत्री शर्मा