गुवाहाटी, 01 नोभेम्बर (हि.स.)। असम प्रदेश कंग्रेस अध्यक्ष गौरव गोगोईले मुख्यमन्त्री हिमन्त बिस्वा सरमामाथि धारिलो हमला गर्दै राज्यको नेतृत्व गर्नका लागि उनी “अयोग्य” रहेको बताए। यो बयान उनले त्यस बयानको जवाफमा दिएका हुन् जसमा सरमाले गोगोईलाई “विदेशी शक्तिहरूद्वारा पठाइएको पाकिस्तानी एजेन्ट” भनेका थिए।

मुख्यमन्त्रीको टिप्पणीमाथि प्रतिक्रिया व्यक्त गर्दै गोगोईले भने, सरमाको यो बयानले उनको “सत्ता गुमाउने डर र असुरक्षा”-लाई उजागार गर्दछ। उनले यो पनि भने, यो टिप्पणी त्यस दिन दिइयो जुन दिन दिवंगत गायक जुबिन गर्गको अन्तिम फिल्म रै रै बिनाले रिलीज़ भएको थियो।

गौरव गोगोईले भने, “जतिबेला सारा असम जुबिन गर्गको अन्तिम प्रदर्शनलाई हेरिरहेका थिए, त्यसबेला मुख्यमन्त्रीले यस्तो टिप्पणी गर्नुले उनको सत्ता गुमाउने बढ़्दो आशंकालाई दर्शाउँछ।” उनले अझ भने, “हिमन्त बिस्व सरमले आफ्नो विश्वसनीयता गुमाएका छन्।”

मुख्यमन्त्री सरमाले बारम्बार आरोप लगाएका छन्, गोगोईको पाकिस्तानसित सम्बन्ध छ। उनकी पत्नी ब्रिटिश नागरिक हुन्। सरमाको दाबी छ, उनीसित यी आरोपहरूको समर्थनमा “प्रमाण” छ। गए शुक्रवार उनले फेरि एकपटक गोगोईलाई “पाकिस्तानी एजेन्ट” बताउँदै भने, उनी “विदेशी शक्तिहरूद्वारा खटाइएका व्यक्ति” हुन्।

गोगोईले यी आरोपहरूलाई “झुटो, निराधार औ राजनीतिक रूपले प्रेरित” बताउँदै भने, यसबाट मुख्यमन्त्रीको “हताशा” झल्किन्छ। मुख्यमन्त्रीले भने, अहिलेघरि यदि मुख्यमन्त्रीले प्रेस कन्फ्रेन्स डाकेर गौरवको पाकिस्तान सम्बन्धि प्रमाण देखाए यसलाई जुबिन गर्गको मुद्दादेखि मानिसहरूको ध्यान भट्काएको आरोप लगाइनेछ

हिन्दुस्थान समाचार / उष्णता छेत्री शर्मा