गान्तोक, 1 नोभेम्बर (हि.स.)। सिक्किमका लोकसभा सांसद डा. इन्द्रहाङ सुब्बाले भारत राष्ट्रिय र विश्वव्यापी रूपमा सांस्कृतिक अधिकार र सम्पदा संरक्षणका मूल्यहरूलाई कायम राख्न प्रतिबद्ध रहेको बताएका छन्। न्यूयोर्कमा जारी संयुक्त राष्ट्र संघ महासभाको 80औं सत्रको तेस्रो समितिमा सांस्कृतिक अधिकार सम्बन्धी विशेष प्रतिवेदकसँगको अन्तरक्रियात्मक संवादमा बोल्दै उक्त टिप्पणी गरेका हुन्। उनी भारतको संसदीय प्रतिनिधिमण्डलका सदस्य हुन्।

सांसद डा. सुब्बाले आफ्नो बयानमा सांस्कृतिक अभ्यासकर्ताहरूको लागि दिगो जीविकोपार्जन सुनिश्चित गर्दै यसको परम्परागत सांस्कृतिक अभिव्यक्तिको संरक्षण, प्रवर्द्धन र सुरक्षा गर्न भारतको दृढ प्रतिबद्धता पुष्टि गरे। उनले राष्ट्रको समावेशी विकास एजेन्डाको अभिन्न अंगको रूपमा सांस्कृतिक विविधताको संरक्षण र प्रवर्द्धनप्रति भारतको प्रतिबद्धतामाथि पनि जोड दिए।

भारतको सुदृढ़ संस्थागत र विधायी उपायहरूमाथि प्रकाश पार्दै सांसद डा. सुब्बाले साहित्यिक, कलात्मक, सङ्गीतमय र छायाङ्कनात्मक कार्यहरूको संरक्षणको लागि व्यापक रूपरेखा प्रस्तुत गरे, जस देशको सांस्कृतिक पारिस्थितिक प्रणालीलाई बलियो बनाउँछ र रचनात्मक अर्थतन्त्रलाई समर्थन गर्छ। उनले भने, 'भारत राष्ट्रिय र विश्वव्यापी रूपमा सांस्कृतिक अधिकार र सम्पदा संरक्षणका मूल्यहरूलाई कायम राख्न प्रतिबद्ध छ।'

हिन्दुस्थान समाचार / बिशाल