गुवाहाटी, 14 नोभेम्बर (हि.स.)। असमका मुख्यमन्त्री डा. हिमन्त बिस्मसरमाले आज असमिया एवं भारतीय साहित्यलाई समृद्ध बनाउने प्रख्यात लेखिका एवं ज्ञानपीठ पुरस्कार विजेता मामोनी रायसम गोस्वामीको जन्म जयन्तीमा उनलाई श्रद्धाञ्जली अर्पण गरे।

मुख्यमन्त्री सरमाले आफ्नो सन्देशमा भने, मामोनी रायसम गोस्वामी जसलाई मामोनी बाइदेवको नामले आत्मीयतापूर्वक स्मरण गरिन्छ, ती महान साहित्यिक हस्तिहरूमध्ये एक हुन् जसले असमिया साहित्यको गौरवलाई राष्ट्रिय स्तरमा बढ़ाइन्।

मुख्यमन्त्रीले भने, उनको जीवन मानवीय मूल्य, गहन सृजनशीलता एवं साहित्यप्रति आध्यात्मिक समर्पणको अद्वितीय उदाहरण हो।

डा. सरमाले भने, एकान्तलाई सृजनको मन्त्रमा परिणत गरेर गरिएको मामोनी बाइदेवको साहित्यिक यात्राले आजको पुस्तालाई पनि प्रेरित गर्दछ। मुख्यमन्त्रीले उनको जन्म जयन्तीमा विनम्र श्रद्धाञ्जली अर्पण गरे।

हिन्दुस्थान समाचार / उष्णता छेत्री शर्मा