पेरिस, 14 नोभेम्बर (हि.स.)। फ्रान्सले किलियन एमबाप्पेको दुई र माइकल ओलीसे र ह्युगो एकिटिचेको एक-एक गोलको मद्दतले बिहिबार युक्रेनलाई ४-० ले पराजित गर्दै फिफा विश्वकप २०२६ मा स्थान सुरक्षित गरेको छ। यो खेल २०१५ पेरिस आक्रमणका पीडितहरूलाई समर्पित थियो।

पार्क दे प्रिन्सेसमा खेलिएको यस खेलमा कप्तान एमबाप्पेले दोस्रो हाफको शुरुमा पेनल्टीबाट पहिलो गोल गरेका थिए। ओलीसेले ७६औं मिनेटमा अग्रता दोब्बर पारे। त्यसपछि, एमबाप्पेले अर्को गोल थपे, जबकि एकिटिचेले आफ्नो करियरको पहिलो अन्तरराष्ट्रिय गोल गर्दै टोलीको जित सुनिश्चित गरे।

हमलाका पीडितहरूलाई श्रद्धाञ्जलीकिक-अफ हुनुभन्दा अघि ४१,००० दर्शकहरूले पेरिस र वरपर २०१५ मा भएको आतङ्कवादी आक्रमणको दश वर्ष पुगेकोमा एक मिनेट मौन धारण गरे। यी आक्रमणहरूमा १३० जनाको मृत्यु भएको थियो, जसमध्ये धेरैजसो बाटाकलां कन्सर्ट हलमा थिए। आत्मघाती आक्रमणकारीहरूले स्टेड छे फ्रान्स पनि प्रवेश गर्ने प्रयास गरेका थिए र नजिकै पनि एक जनाको मृत्यु भएको थियो।

उल्लेख्य, फ्रान्सका प्रशिक्षक डिडियर डेशेन्प्सले अगावै २०२६ को विश्वकप उनको अन्तिम प्रतियोगिता हुने घोष्ज्ञणा गरिसकेका छन्।

हिन्दुस्थान समाचार / भवानी थामी