पटना, 19 जुलाई (हि.स.)। आगामी 22 जुलाई अर्थात् मंगलवार पटना हाईकोर्टको न्यायाधीशको रूपमा सुधीर सिंहले शपथ लिनेछन्। उनी नवनियुक्त चीफ जस्टिस वीएम पंचोलीपछि सबैभन्दा वरिष्ठ जज हुनेछन्। पञ्जाब र हरियामा हाईकोर्टबाट उनको स्थानान्तरण पटना हाईकोर्टमा गरिएको छ।

जस्टिस सुधीर सिंह पहिलेपनि पटना हाईकोर्टमा जजको रूपमा कार्यरत थिए तर उनलाई पञ्जाब र हरियाणा हाईकोर्ट पठाइएको थियो। अब फेरि उनी पटना हाईकोर्ट फर्केका छन्। उनी 20 जुलाई अर्थात् आइतवार चण्डीगढ़बाट पटना आइऱहेका छन्। जस्टिस सुधीर सिंहका पिता जस्टिस एनपी सिंह पनि सुप्रीम कोर्टको जज रहिसकेका छन्।

जस्टिस सुधीर सिंहको स्कूली शिक्षाको कुरा गर्दा उनले विकास विद्यालय रांचीबाट आफ्नो स्कूली शिक्षा गरेका छन्। वर्ष 1991 मा उनले अधिवक्ताको रूपमा प्रेक्टिस शुरू गरे। उनले केन्द्र सरकारको वकील र भारतीय रेलवेको अधिवक्ताको रूपमा आफ्नो सेवाहरू दिएका छन्। 15 अप्रेल 2015 मा उनलाई पटना हाईकोर्टमा अस्थायी जज नियुक्त गरिएको थियो। पछि उनलाई 20 अप्रेल 2016 मा स्थायी जजको रूपमा पटना हाईकोर्टमा नियुक्त गरिएको थियो। 2 नोभेम्बर 2023 मा उनलाई जजको रूपमा पञ्जाब र हरियाणा हाईकोर्ट स्थानान्तरित गरिएको थियो। उनले 2023 देखि अहिलेसम्म पञ्जाब र हरियाणा हाईकोर्टमै आफ्नो सेवाहरू दिइऱहेका थिए।

हिन्दुस्थान समाचार / भवानी थामी