नयाँ दिल्ली, 02 जून (हि.स.)। भारतका विदेशमन्त्री एस. जयशंकरले मंगलबार दक्षिण अफ्रिकाका उपराष्ट्रपति शिपोकसा पलस माशाटाइलसँग भेटवार्ता गरेका छन्। यस अवसरमा दक्षिण अफ्रिकी प्रतिनिधिमण्डल र भारतीय पक्षबीच नयाँ दिल्लीमा उच्चस्तरीय बैठक सम्पन्न भयो, जहाँ द्विपक्षीय सहयोगका विभिन्न क्षेत्रहरूबारे विस्तृत छलफल गरिएको थियो।
बैठकमा दुवै नेताले व्यापार, लगानी, सूक्ष्म, साना तथा मझौला उद्यम (एमएसएमई), डिजिटल पूर्वाधार तथा रणनीतिक साझेदारीलाई अझ सुदृढ़ बनाउने सम्भावनाबारे विचार-विमर्श गरे।
विदेशमन्त्री जयशंकरले भारत र दक्षिण अफ्रिकाबीचको दीर्घकालीन मैत्रीपूर्ण सम्बन्धको उल्लेख गर्दै साझेदारीलाई अझ गहिरो बनाउने दक्षिण अफ्रिकाको दृढ़ प्रतिबद्धताको प्रशंसा गरे। उनले व्यापार, लगानी, डिजिटल प्रविधि तथा पूर्वाधारका क्षेत्रमा दुवै देशका लागि व्यापक सम्भावनाहरू रहेको बताए।
बैठकमा भारत र दक्षिण अफ्रिकाले विश्वव्यापी तथा बहुपक्षीय मञ्चहरूमा आपसी समन्वयलाई अझ मजबुत बनाउने विषयमा पनि सहमति जनाएका छन्। यो भेटवार्तालाई भारत र दक्षिण अफ्रिकाबीचको रणनीतिक सम्बन्धलाई नयाँ दिशा दिने तथा द्विपक्षीय सहयोगलाई थप सशक्त बनाउने महत्वपूर्ण कदमका रूपमा हेरिएको छ।
---------------
हिन्दुस्थान समाचार / भवानी थामी
09 Jun 2026
