नयाँ दिल्ली, 02 जून (हि.स.)। तेलङ्गाना स्थापना दिवसको अवसरमा राष्ट्रपति, उपराष्ट्रपति, लोकसभा अध्यक्ष, केन्द्रिय मन्त्रीहरू र विभिन्न राज्यका मुख्यमन्त्रीहरूले राज्यका जनतालाई शुभकामना दिँदै उनीहरूको उज्ज्वल भविष्य, निरन्तर विकास र समृद्धिको कामना गरे।
राष्ट्रपति द्रौपदी मुर्मुले आफ्नो एक्स-पोस्टमा तेलङ्गानाका जनतालाई बधाई दिँदै राज्य समृद्ध सांस्कृतिक सम्पदा र कर्मठ नागरिकहरूले सम्पन्न रहेको बताएकी छन्। उनले तेलङ्गानाले नवाचार र विकासमा उल्लेखनीय प्रगति गरेको र राज्यका जनताको निरन्तर कल्याण र समृद्धिको कामना गरेको बताइन्।
उपराष्ट्रपति सीपी राधाकृष्णनले तेलङ्गाना आफ्नो समृद्ध सांस्कृतिक सम्पदा र जीवन्त परम्पराका लागि परिचित रहेको बताए। उनले भने, राज्यका जनताको रचनात्मकता, नवाचार, परिश्रम र दृढ़ताले देशको प्रगतिमा महत्वपूर्ण योगदान पुर्यामएको छ। उनले यस अवसरलाई विकसित भारत निर्माण गर्न सामूहिक प्रयासहरूको लागि प्रेरणा भने।
लोकसभा अध्यक्ष ओम बिरलाले तेलङ्गनालाई एक अद्वितीय सांस्कृतिक पहिचान, जीवन्त परम्परा र प्राकृतिक सौन्दर्य भएको राज्य बताउँदै भने, स्थापना दिवसले राज्यको विकास यात्रा र उपलब्धिहरूको प्रतीक हो। उनले राज्यका जनताको प्रगति, सद्भाव र समृद्धिको कामना गरे।
केन्द्रिय गृह तथा सहकारी मन्त्री अमित शाहले भने, तेलङ्गना आफ्नो जीवन्त संस्कृति र उद्यमशीलताको भावनाका लागि विशिष्ट रूपमा परिचित छ। उनले राज्यको निरन्तर प्रगति र समृद्धिको कामना गर्दै यसको उपलब्धिले भारतको गौरवलाई अझ् बढ़ाउने बताए।
भाजपाका राष्ट्रिय अध्यक्ष नितिन नवीनले तेलंगाना आफ्नो समृद्ध सांस्कृतिक सम्पदा र जीवन्त जनभावनाका लागि परिचित रहेको बताए। उनले राज्यको निरन्तर प्रगति र यसका नागरिकहरूको खुशी, समृद्धि र सुस्वास्थ्यको कामना गरे।
कांग्रेस अध्यक्ष मल्लिकार्जुन खडगेले तेलंगाना स्थापना दिवसलाई भारतको लोकतान्त्रिक यात्रामा एक ऐतिहासिक कोशेढुङ्गा बताउँदै राज्यको निर्माण लाखौं जनताको संघर्ष, बलिदान र आकांक्षाको परिणाम भएको बताए। तेलंगाना आन्दोलनका शहीदहरूलाई श्रद्धाञ्जली अर्पण गर्दै उनले भने, कांग्रेस सरकार प्रजाला तेलंगाना को संकल्पलाई साकार पार्ने दिशामा काम गरिरहेको छ।
हिन्दुस्थान समाचार / भवानी थामी
09 Jun 2026
