नाम्ची, 03 जून (हि.स.)। भारत निर्वाचन आयोग (ईसीआई) की निर्देशक शुभ्रा सक्सेनाको अध्यक्षतामा बुधवार नाम्ची जिल्ला प्रशासनिक केन्द्रको सम्मेलन हलमा विशेष गहन पुनरीक्षण (एसआईआर) को जारी अभ्यास प्रक्रियामाथि समीक्षा बैठक आयोजन गरिएको छ। बैठकमा चुनाउ पञ्जीकरण अधिकारीगण (ईआरओ), सहायक चुनाउ पञ्जीकरण अधिकारीगण (एईआरओ) र बुथस्तरीय अधिकारीगण (बीएलओ) पनि उपस्थित रहेका थिए।

बैठकलाई सम्बोधन गर्दै निर्देशकले विशेष गहन संशोधन (एसआईआर) का महत्त्व र उद्देश्य साथै सही र समावेशी मतदाता नामावली कायम राख्नुका आवश्यकताबारे विस्तृत रूपमा व्याख्या गरिन्।

उनले राज्यमा अभ्यास सञ्चालन गर्नुका औचित्यमाथि थप स्पष्ट पार्दै भनिन्, “संशोधनले अयोग्य प्रविष्टिहरू हटाएर योग्य मतदाताहरू मात्र पञ्जीकरण भएको सुनिश्चित गरेर मतदाता नामावलीलाई सन्तुष्ट पार्ने लक्ष्य राखेको छ।”

चुनाउ प्रक्रियाको अखण्डताको रक्षा गर्न ईआरओ, एईआरओ र बीएलओको महत्त्वपूर्ण भूमिकामाथि प्रकाश पार्दै सक्सेनाले यो अभ्यासलाई लगनशीलता र जिम्मेवारीका साथ सम्पन्न गर्नुको महत्त्वमा जोड़ दिइन्। राज्यको अन्तरराष्ट्रिय सीमालाई उल्लेख गर्दै उनले अवैध बसाइँसराइको सम्भावनालाई उल्लेख गरिन् र मतदाता सूचीमा अयोग्य व्यक्तिहरूको समावेशलाई रोक्न प्रमाणीकरण प्रक्रियाको क्रममा सतर्क रहन अधिकारीहरूलाई आग्रह गरिन्।

उनले नक्साङ्कन अभ्यासहरू अत्यन्त सावधानीपूर्वक, उचित समीक्षा र पूर्ण प्रमाणीकरणका साथ गरिनुपर्ने बताइन्। बीएलओलाई कुनै पनि योग्य मतदातालाई छुट्न नदिन र कुनै पनि अयोग्य मतदाता समावेश नगरेको सुनिश्चित गर्दै प्रोटोकलहरू कड़ाइका साथ पालना गर्न पनि निर्देशन दिइन्।

बैठकको क्रममा सक्सेनाले प्रत्येक निर्वाचन क्षेत्रको नक्साङ्कन स्थितिको जानकारी लिएर मूल्याङ्कन गरिन्। उनले बीएलओद्वारा गरिएको प्रगतिको समीक्षा गरिन् र प्रक्रियाहरू सावधानीपूर्वक पालना गर्न आग्रह गरिन्। निर्देशकले अधिकारीहरूलाई प्रमाणीकरण प्रक्रियाको क्रममा नागरिकहरूलाई अनावश्यक रूपमा उत्पीडन नगरिएको सुनिश्चित गर्न सल्लाह दिइन्।

निर्देशक सक्सेनाले बीएलओहरूसँग अन्तरक्रिया गरिन्, उनीहरूको चिन्ता सम्बोधन गरिन् र एसआईआर 2026 को कार्यान्वयन प्रक्रियासम्बन्धी शङ्काहरू स्पष्ट पारिन्। उनले जिल्ला चुनाउ अधिकारी (डीईओ) लाई प्रगतिको अनुगमन गर्न र प्रभावकारी कार्यान्वयन सुनिश्चित गर्न बीएलओ र एईआरओ/एआरओ हरूसँग नियमित समीक्षा बैठकहरू सञ्चालन गर्न निर्देशन दिइन्।

निर्देशकले जिल्ला प्रशासनले गरेका प्रयासहरूको पनि प्रशंसा गरिन् र एसआईआर 2026 को कार्यान्वयनमा अहिलेसम्म हासिल गरेको प्रगति स्वीकारिन्। उनले संशोधन प्रक्रियाको प्रभावकारी कार्यान्वयन सुनिश्चित गर्न धरातलीय स्तरमा बीएलओहरूले गरिरहेको समर्पित कामको पनि प्रशंसा गरिन्।

नाम्चीकी जिल्ला चुनाउ अधिकारी (डीईओ) अनुपा तामलिङले एसआईआर 2026 का लागि जिल्लाको तयारीलाई लिएर पावरपोइन्ट प्रस्तुति दिइन्। उनले संशोधन प्रक्रियाका विभिन्न पक्ष (जसमा नक्साङ्कन प्रक्रिया, ईआरओ, एईआरओ र बीएलओहरूको तालिम, गणना फाराम र जिल्लामा हेल्प डेस्क/इन्टरनेट हबहरूको स्थापना समावेश छन्)-माथि व्याख्या गरिन्।

जिल्ला चुनाउ अधिकारीले प्रगतिको अनुगमन गर्न र चुनौतीहरूलाई सम्बोधन गर्न नियमित समीक्षा बैठक सञ्चालन गरिने पनि जानकारी दिइन्। आफ्नो सम्बोधन समाप्त गर्दै उनले सबै ईआरओ र बीएलओलाई शुभकामना व्यक्त गरिन् साथै उनले आफ्नो जिम्मेवारीलाई पूर्ण समर्पण र प्रतिबद्धताका साथ निर्वाह गर्न प्रोत्साहित गरिन् ।

यसअघि निर्देशक सक्सेनाले नाम्ची तिमी चिया कमानको भ्रमण गरिन्।

---------------

हिन्दुस्थान समाचार / बिशाल