कोलकाता, 04 जून (हि.स.)। भारतीय जनता पार्टी (भाजपा) का वरिष्ठ नेता औ पश्चिम बङ्गालका मन्त्री दिलीप घोषले तृणमूल कङ्ग्रेसका राष्ट्रिय महासचिव अभिषेक ब्यानर्जीमाथि गम्भीर आरोप लगाउँदै चर्को प्रहार गरेका छन्। उनले भने, अभिषेक ब्यानर्जीले कानूनदेखि बच्नका लागि बिमार भएको नाटक गरिरहेका छन्। तर उनी बच्न सक्ने छैनन्। उनी जेल जानैपर्छ।
न्यू टाउन क्षेत्रमा प्रातःकालीन भ्रमणावधि बिहीवार बिहान मीडियासित बातचित गर्दै दिलीप घोषले भने, यसअघि पनि तृणमूल कङ्ग्रेसका केही नेताहरू जस्तै पार्थ च्याटर्जी र अनुब्रत मण्डलले बिमारीको बहाना बनाएर कानूनदेखि बच्ने चेष्टा गरिसकेका छन्, तर उनीहरूलाई पनि अन्ततः जेलमा जानै पऱ्यो।
दिलीप घोषले आरोप लगाए, पश्चिम बङ्गालमा भएको कथित भ्रष्टाचारको पैसा अभिषेक ब्यानर्जीसम्म पुगेको छ। उनले दाबी गरे, कोइला तस्करी, बालुवा खनन तथा पशु तस्करी जस्ता मामिलासित सम्बन्धित धन राज्यको शीर्ष स्तरसम् पुग्यो जसमा अभिषेक ब्यानर्जीको भूमिका रहिआएको छ।
तृणमूल कङ्ग्रेसमा अहिलेघरि भइरहेको राजनीतिक खैलाबैला तथा विधायकहरूमाझ व्याप्त मतभेदलाई लिएर सोधिएको प्रश्नमा उनले भने पार्टी अहिले जुन स्थिति उत्पन्न भएको छ, त्यसको अपेक्षा पहिलाबाटै थियो। भनले भने, तृणमूल कङ्ग्रेसको भविष्य पतनोन्मुख भएको छ। यो सङ्गठन अब चकनाचुर हुने स्थिति तर्फ दोरिरहेको छ।
दिलीप घोषले यो पनि भने, अभिषेक ब्यानर्जीलाई तृणमूल कङ्ग्रेससित कहिल्यै पनि वास्तविक लगाउ थिएन। उनी ममता ब्यानर्जीको भतिज भएको कारणले मात्र राजनीतिमा अगाड़ि आएका हुन्। उनले आरोप लगाए, पार्टीमा भ्रष्टाचार अनि असुली जस्तो प्रवृत्ति पछिल्लो लामो समयदेखिको चल्दै आइरहेको थियो।
उनले अझ भने, राज्यमा जसरी कथित रूपमा अवैध निर्माण तथा कारबाही भइरहेको छ, त्यसरी नै तृणमूल कङ्ग्रेसमाथि पनि राजनीतिक स्तरमा कारबाही हुनुपर्छ। यो पार्टीको अन्त आवश्यक छ। घोषले भने, अभिषेक ब्यानर्जीले कानूनदेखि बच्ने प्रयास गरिरहेका छन्। यसअघि उनका नेताहरूले पनि यस्तै गरेका थिए। टीएमसी अब सिद्धिरहेको छ। यस पार्टीको भविष्य यतिसम्म मात्र थियो। टीएमसीको नामले बङ्गाललाई 15 वर्षमा बर्बाद बनाइदियो। टीएमसीलाई मानिसहरू हेर्न पनि चाहँदैनन्।
हिन्दुस्थान समाचार / उष्णता छेत्री शर्मा
09 Jun 2026
