नयाँ दिल्ली, 0४ जून (हि.स.)। प्रधानमन्त्री नरेन्द्र मोदीको योगप्रतिको लगाव निकै गहिरो छ। योग उनको दैनिक जीवनशैलीको महत्वपूर्ण हिस्सा पनि हो। उनको विश्वास छ कि नियमित योग अभ्यासले मानिसलाई ऊर्जावान र स्वस्थ राख्न मद्दत गर्छ। यसै सन्दर्भमा उनले आज आफ्नो एक्स ह्यान्डलमार्फत महर्षि पतञ्जलिको स्तुति गर्दै यो सुभाषित साझा गरेका छन्-
''योगेन चित्तस्य पदेन वाचां मलं शरीरस्य च वैद्यकेन। योऽपाकरोत् तं प्रवरं मुनीनां पतञ्जलिं प्राञ्जलिरानतोऽस्मि॥''
प्रधानमन्त्रीले लेखेका छन्, योगको नियमित अभ्यासले शरीरलाई स्वस्थ र मनलाई शान्त राख्छ। यसलाई दैनिक जीवनको हिस्सा बनाउँदा जीवन सन्तुलित र ऊर्जावान बन्छ।
उल्लेखनीय छ, यो सुभाषित योग साधना शुरु गर्नुअघि मनलाई स्थिर बनाउने तथा कृतज्ञता व्यक्त गर्ने उद्देश्यले पाठ गरिन्छ।
यस मन्त्रमा महर्षि पतञ्जलिलाई मानव जीवनका तीन प्रमुख दुःख-मानसिक, भाषिक तथा शारीरिक अशुद्धि दूर गर्ने महान ऋषिका रूपमा सम्मानपूर्वक नमन गरिएको छ।
स्मरण रहोस्, प्रधानमन्त्री मोदी योगलाई केवल व्यायामका रूपमा नभई समग्र जीवन विज्ञानका रूपमा हेर्ने गर्छन्। सन् २०१४ को सेप्टेम्बरमा संयुक्त राष्ट्र महासभामा उनले गरेको प्रस्तावपछि जून २१ लाई अन्तरराष्ट्रिय योग दिवसका रूपमा घोषणा गरिएको थियो।
---------------
हिन्दुस्थान समाचार / भवानी थामी
09 Jun 2026
