नयाँ दिल्ली, 05 जून (हि.स.)। अष्ट्रेलियाली हाइपरस्केल डेटा सेन्टर कम्पनी एयरट्रंकले भारतमा लगभग तीन लाख करोड़ रूपियाँ लगानी गर्ने र 5 गिगावाट डेटा सेन्टर क्षमता विकास गर्ने योजनाको घोषणा गरेको छ।

प्रधानमन्त्री नरेन्द्र मोदीले शुक्रवार सामाजिक सञ्जाल प्लेटफर्म एक्समा एयरट्रंकका संस्थापक र सीईओसँगको भेटको तस्बिर साझा गर्दै भारतको डिजिटल पूर्वाधार यात्रा द्रुत गतिमा अगाड़ी बढ़िरहेको बताएका छन्। एयरट्रंकले लगभग 3 लाख करोड़को लगानीको घोषणा गरेको छ र भारतमा 5 गिगावाट डेटा सेन्टर क्षमता विकास गर्ने योजना बनाएको छ। यो देशको डिजिटल पूर्वाधार क्षेत्रमा प्रस्ताव गरिएको सबैभन्दा ठूलो लगानीमध्ये एक हो।

उनले भने, यो लगानीले क्लाउड कम्प्युटिङ र आर्टिफिसियल इन्टेलिजेन्स (एआई) को क्षेत्रमा भारतको विश्वव्यापी स्थितिलाई अझ् बलियो बनाउनेछ। यसले ठूलो मात्रामा रोजगारीका अवसरहरू पनि सिर्जना गर्नेछ, स्थानीय आपूर्ति शृङ्खलाहरूलाई बढ़ावा दिनेछ र नवप्रवर्तन-संचालित विकासलाई गति दिनेछ।

मोदीले भने, भारत विश्वको डिजिटल अर्थव्यवस्थाको प्रमुख केन्द्रको रूपमा उदाइरहेको छ र यो स्पष्ट छ कि विश्वव्यापी डिजिटल अर्थव्यवस्थाको भविष्यले भारतमा द्रूत गतिमा आकार लिइरहेको छ।

हिन्दुस्थान समाचार / भवानी थामी