नयाँ दिल्ली, 07 जून (हि.स.)। केन्द्रिय अनुसन्धान ब्यूरो (सीबीआई) ले चण्डीगढ़को सेक्टर 39 थानामा तैनाथ सहायक उपनिरीक्षक (एएसआई) हितेश कुमारलाई 40 हजार रूपियाँ घुस लिँदै गर्दा रंगेहात पक्राउ गरेको छ। अभियुक्तमाथि गाड़ी छोड्ने र सड़क दुर्घटनाको मुद्दामा उजुरीकर्ता विरुद्ध मुद्दा दर्ता नगर्ने बदलामा घुस माग गरेको आरोप छ।

सीबीआईले बतायो, 06 जूनमा उजुरीको आधारमा यस मुद्दामा एफआईआर दर्ता गरिएको थियो। उजुरीकर्ताले आरोप लगाएका छन् कि एएसआई हितेश कुमारले उनको गाड़ी छोड्ने र सड़क दुर्घटनाको मुद्दामा उनी विरुद्ध आपराधिक मुद्दा दर्ता नगर्ने बदलामा 50 हजार रूपियाँ घुस मागेका थिए।

अनुसन्धानको क्रममा अभियुक्तले वार्तापछि 40 हजार रूपियाँ लिन सहमत भयो। त्यसपछि सीबीआईले जाल बिछ्यायो र 06 जूनमा अभियुक्त सहायक निरीक्षकलाई उजुरीकर्ताबाट 40 हजार रूपियाँ घुस लिँदै गर्दा रंगेहात पक्राउ गऱ्यो। पक्रा परेका एएसआईलाई चण्डीगढ़को सक्षम अदालतमा पेश गरिनेछ।

सीबीआईले अभियुक्तको स्थानमा खोजी अभियान पनि शुरु गरेको छ। अनुसन्धान जारी छ।

हिन्दुस्थान समाचार / भवानी थामी