गान्तोक, 07 जून (हि.स.)। सिक्किमका राज्यपाल ओमप्रकाश माथुरले 5 जूनका दिन सिलगढ़ीतर्फ यात्रा गर्ने क्रममा भएको दुःखद दुर्घटनामा काबी-लुङचोक निर्वाचन क्षेत्रअन्तर्गत लिङ्दोकका चार जना नागरिकले आफ्नो ज्यान गुमाएको घटनाप्रति गहिरो दुःख व्यक्त गरेका छन्।
राज्यपालले आज आफ्नो शोक सन्देशमा भने, 'लिङ्दोक गाउँका चार जना बासिन्दाको यस दुर्भाग्यपूर्ण दुर्घटनामा भएको निधनको खबर अत्यन्त दुःखद छ। दुःखको यस घडीमा मेरा हार्दिक समवेदना शोकसन्तप्त परिवारहरूसँग छन्। म ईश्वरसँग प्रार्थना गर्दछु कि उहाँले पीडित परिवारलाई यो अपूरणीय क्षति सहन सक्ने शक्ति र साहस प्रदान गरून्।'
राज्यपालले ईश्वरसँग दिवंगत आत्माहरूलाई आफ्नो श्रीचरणमा स्थान दिई चिरशान्ति प्रदान गरून् भनी प्रार्थना गरेका छन्। उनले शोकसन्तप्त परिवारप्रति गहिरो समवेदना व्यक्त गर्दै दिवंगत आत्माहरूको चिरशान्तिको कामना गरेका छन्।
---------------
हिन्दुस्थान समाचार / बिशाल
09 Jun 2026
