सिलगढ़ी, 08 जून (हि. स.)। राज्यमा घुसपैठलाई रोक्नको लागि सुरक्षा व्यवस्था कड़ा गरिएको अहिलेको स्थितिमा सिलगढ़ी जङ्क्शन रेलवे स्टेशनबाट आठ जना बङ्गलादेशी नागरिकहरूलाई पक्राउ गरिएको छ। यो कारबाही रेलवे सुरक्षा बल (आरपीएफ) औ जीआरपीको संयुक्त टीमले गए आइतवार राति गुप्त सूचनाको आधारमा गरेको हो।
रेल पुलिस अनुसार यी सबै बङ्गलादेशीहरू राधिकापुर एक्सप्रेस मार्फत सिलगढ़ी जङ्क्शन पुगेका थिए। प्रारम्भिक जाँचमा थाहा लागे अनुसार यिनीहरू पछिल्लो लामो समयदेखिको भारतका विभिन्न भागहरू विशेष गरेर दिल्लीमा श्रमिकको रूपमा काम गर्दै आइरहेका थिए। त्यहाँबाट फर्केर बङ्गलादेश जानको लागि सिलगढ़ीमा उत्रेका थिए।
जाँचबझमा आरोपीहरूले बताए, यिनीहरूले सिलगढ़ीदेखि हल्दीबाड़ीको बाटो भएर सीमा पारी बङ्गलादेश जाने योजना बनाइरहेका थिए। तथापि जाँचावधि उनीहरूले कुनै वैध दस्तावेज, पासपोर्ट वा भिजा देखाउन सकेनन् जसपश्चात उनीहरूलाई पक्राउ गरियो।
एसआरपी कुँवर भूषण सिंहले सोमवार बताए, गुप्त सूचना पाएपछि संयुक्त टीमले स्टेशनमा अभियान सञ्चालन गऱ्यो। जाँचबुझमा आरोपीहरूले स्वीकार गरे, उनीहरू कामको खोजीमा भारतमा आएका थिए भने अहिले आफ्नो देश फर्किने प्रयास गरिरहेका थिए।पुलिसले जाँच गरिरहेको छ कि उनीहरू कुन बाटो भएर भारतमा प्रवेश भएका थिए? तथा के यसको पछाड़ि कुनै सङ्गठित गिरोह सक्रिय छ?
पुलिस मुताविक पक्रा पर्ने आठ जना मानिसहरूमध्ये चार जना बङ्गलादेशको दिनाजपुर जिल्ला तथा चार जना नीलफामारी जिल्लाका बासिन्दा हुन्। सबैविरूद्ध फरेनर्स एक्ट अन्तर्गत मामिला दर्ता गरिएको छ। सोमवार उनीहरूलाई सिलगढ़ी महकुमा अदालतमा पेश गरिनेछ। मामिलामा थप जानकारी जुटाउनको लागि आरोपीहरूलाई रिमाण्डमा लिने तयारी गरिँदैछ।
हिन्दुस्थान समाचार / उष्णता छेत्री शर्मा
09 Jun 2026
