-भारतसित परमाणु बम 180 देखि बढ़ेर 190 भयो, पाकिस्तान 180 वरहेड्समै रह्यो

नयाँ दिल्ली, 08 जून (हि.स.)। भारतले गत वर्षको तुलनामा आफ्नो परमाणु हतियारको भण्डार बढ़ाएको छ। यस वर्ष भारतको परमाणु हतियार 180 बाट 190 पुगेको छ जबकि छिमेकी पाकिस्तानको परमाणु क्षमता 170 वारहेडमा अपरिवर्तित रहेको छ। यसको अर्थ भारतले परमाणु हतियारको हिसाबले पाकिस्तानलाई रणनीतिक रूपमा उछिनेको छ। हाल विश्वका नौ देशहरूसँग कूल 12,187 परमाणु हतियारहरू छन्, जसमध्ये लगभग 9,745 वारहेड्स सैन्य भण्डारमा सम्भावित प्रयोगको लागि तयार राखिएको छ। यीमध्ये लगभग 4,012 वारहेड्स मिसाइल र लड़ाकु विमानहरूमा सक्रिय रूपमा तैनाथ छन्।

वैश्विक संस्था स्टकहोम इन्टरनेशनल पीस रिसर्च इंस्टीट्यूट (सीपरी) ले आफ्नो वार्षिक ईय़र बुक जारी गरेको छ। परिवर्तनशील युद्ध विधिहरू र सैन्य आधुनिकीकरणले विश्वव्यापी हतियार जमा गर्ने दौड़ निम्त्याएको छ। सोमवार प्रकाशित अन्तरराष्ट्रिय हतियार हस्तान्तरण सम्बन्धी रिपोर्टमा परमाणु हतियारको संख्या र प्रभाव घटाउन दशकौंदेखि गरिएका अन्तरराष्ट्रिय प्रयासहरू पूर्ण रूपमा उल्टो देखिएको उल्लेख छ। रूस र संयुक्त राज्य अमेरिका परमाणु हतियार दौड़मा अग्रपंक्तिमा छन्।

रिपोर्टले खुलासा गरेको छ कि यस वर्षको जनवरीसम्म विश्वभरिका नौ परमाणु हतियारधारी देशहरूसँग कूल 12187 परमाणु बमहरू छन्, जुन 2025 मा 12241 थियो। परमाणु बमको कूल संख्यामा थोरै गिरावट आएको भन्न सकिन्छ, विज्ञहरूले यसलाई भ्रामक ठान्छन्। रिपोर्टमा यो पनि भनिएको छ कि विश्वव्यापी रूपमा लगभग 2,100 देखि 2,200 परमाणु हतियारहरू 'हाई अपरेशनल अलर्ट' मा छन्, जसको अर्थ केही मिनेटमै प्रहार गर्न सकिन्छ। यस श्रेणीमा रूस र संयुक्त राज्य अमेरिकासँग सबैभन्दा धेरै संख्यामा वारहेड्स छन्।

रूस हाल विश्वको सबैभन्दा ठूलो परमाणु शक्ति बनेको छ, जससँग कूल 5420 वारहेड्स छन्। संयुक्त राज्य अमेरिका यस सूचीमा 5,042 वारहेड्स सहित दोस्रो स्थानमा छ। भारतको छिमेकी चीनले पनि आफ्नो परमाणु हतियारको संख्यामा तीव्र गतिमा वृद्धि गर्दै 600 बाट 620 पुर्याकइरहेको छ। सीपरीको वार्षिक रिपोर्टमा सबैभन्दा अचम्मलाग्दो तथ्याङ्क रहेको फ्रान्सले एक वर्षभित्र आफ्नो परमाणु हतियार 80 ले बढ़ाएको छ। फ्रान्सले गत वर्षको तुलनामा आफ्नो परमाणु हतियारको संख्या 290 बाट बढ़ाएर 370 पुर्या्एको छ।

यसको विपरीत यूनाइटेड किंगडम (यूके) ले आफ्नो रणनीतिक क्षमता कायम राखेको छ र हाल 225 हतियारहरू छन्। पश्चिम एशिसियामा इरानसँगको द्वन्द्वको बाबजुदपनि इजरायलले आफ्नो परमाणु भण्डार बढ़ाएको छैन र गत वर्षसम्म पनि 90 हतियारहरू राखेको छ। उत्तर कोरियाले पनि निरन्तर घातक हतियारहरू विकास गरिरहेको छ, आफ्नो परमाणु भण्डार 50 बाट बढ़ाएर 60 हतियारहरू बनाएको छ। यो रिपोर्टले विश्वभरिका धेरै देशहरूले फेरि एक पटक परमाणु हतियारहरूमा आफ्नो निर्भरता बढ़ाइरहेका छन् भन्ने सुझाव दिन्छ।

हिन्दुस्थान समाचार / भवानी थामी