अयोध्या, 08 जून (हि.स.)। उत्तर प्रदेशको स्पेशल टास्क फोर्स(एसटीएफ) को प्रयागराज एकाईले अयोध्या जिल्लाको महाराजगंज थाना क्षेत्रमा आइतवार राति भएको इन्काउन्टरमा 2 लाख इनामी अपराधीलाई माऱ्यो। विभिन्न जिल्लामा उ विरुद्ध 40 भन्दा बढ़ी मुद्दा दर्ता थिए। अपरेशनको क्रममा एसटीएफका दुई कर्मी पनि घाइते भए।
अपर पुलिस महानिदेशक कानून एवं व्यवस्था अमिताभ यशले भने, उत्तर प्रदेश एसटीएफ फिल्ड युनिट, प्रयागराजका पुलिस उपअधीक्षक शैलेश प्रताप सिंह र जेपी राईको नेतृत्वमा टोली अपराधी र वान्टेड अपराधीहरूलाई पक्राउ गर्नमा संलग्न थियो। यसैबीच कुख्यात अपराधी भानु प्रताप सिंह आइतवार राति अयोध्याको महाराजगंज क्षेत्रमा ठूलो अपराध गर्ने उद्देश्यले घुमिरहेको सूचना प्राप्त भयो। एसटीएफ टोलीले अहमदपुर घाट चौराहे नजिकै अपराधीलाई घेरेपछि उसले गोली चलायो। बदलामा एसटीएफले गोली चलाउँदा अपराधी भानु घाइते भयो। उलाई उपचारको लागि अयोध्याको मेडिकल कलेज लगियो, जहाँ उपचारको क्रममा उसको मृत्यु भयो।
अमिताभ यशले रिपोर्ट गरे कि भिड़न्तमा मारिएको अपराधी भानु प्रताप सिंह मूल रूपमा गोरखपुर जिल्लाको बेलघाट थाना क्षेत्रको विधानपारका बासिन्दा थियो। उ विरुद्ध हत्या र डकैती सहित विभिन्न गम्भीर धाराहरू अन्तर्गत 40 भन्दा बढ़ी मुद्दा दर्ता थिए। उ लामो समयदेखि पुलिसको लागि चुनौती बनेको थियो। अपराधीमाथि लगभग दुई लाख रुपियाँको इनाम घोषणा गरिएको थियो।
हिन्दुस्थान समाचार / भवानी थामी
09 Jun 2026
