खड़गपुर, 09 जून (हि.स.)। दक्षिण पूर्व रेलवेको खड़गपुर मण्डलका रेलवे कर्मचारीहरूले आफ्नो सतर्कता, इमानदारी औ यात्री सेवाप्रति प्रतिबद्धताको परिचय दिउँदै दुई भिन्न घटनाहरूमा यात्रीहरूले गुमाएको सामानलाई फेला पारी सरक्षित फर्काउने दिशामा सराहनीय कार्य गरेका छन्।

मङ्गलवार अपरान्ह रेलवेद्वारा जारी प्रेस विज्ञप्तिमा जानकारी गराइयो, पहिलो घटना गए सोमवार भएको हो जतिबेला मद्दत पोर्टलमा ट्रेन सङ्ख्या 12221 पुणे-हावड़ा दुरन्तो एक्सप्रेसमा यात्रा गरिरहेका एकजना यात्रीले आफ्नो आईप्याड गुमाएको सिकायत दर्ता गराए। सिकायत पाउनसात टिकट जाँच स्टाफ शहजादा खान, सीटीआई/हावड़ाले तत्काल एच-एक कोचमा खोजी अभियान सञ्चालन गराए। यस अवधि आईप्याडलाई सुरक्षित भेटियो। त्यसपछि सुरक्षित संरक्षण र वास्तविक मालिकसम्म पुऱ्याउनको लागि रायपुरको रेलवे सुरक्षा बल (आरपीएफ)-लाई सुम्पिइयो।

गत आइतवार भएको अर्को घटनामा ट्रेन सङ्ख्या 12261 मुम्बई-हावड़ा एसी दुरन्तो एक्सप्रेसमा ड्यूटीमा तैनाथ टीटीआई/हावड़ा मिहिर कुमारले एउटा बेवारिसे ब्याग फेला पारे। जाँचमा थाहा लाग्यो कि यो ब्याग नागपुरदेखि रायपुरसम्मको यात्रा गरिरहेका एकजना यात्रीको थियो जुन ट्रेनमै छोड़िएको थियो। मिहिर कुमारले तत्परता र इमानदारीको परिचय दिँदै सामानलाई सुरक्षित आफ्नो कब्जामा लिए अनि आवश्यक दस्तावेजी प्रक्रिया पूरा गरेपछि बिलासपुरमा रेलवे सुरक्षा बललाई सुम्पिइयो।

हिन्दुस्थान समाचार / उष्णता छेत्री शर्मा