कोलकाता, 9 जून (हि.स.)। पश्चिम बङ्गाल सरकारले राज्यमा लम्बित रेलवे परियोजनाहरूलाई द्रूत गतिमा पूरा गर्नको लागि एक विशेष कार्यबल गठन गरेको छ। यस कार्यबलमा राज्य सरकारका विभिन्न विभागीय प्रतिनिधिहरू लगायत भारतीय रेलवेका अधिकारीहरू पनि सामेल छन् ताकि परियोजनाहरूको क्रियान्वयनमा आइलागेका अड़चनहरूलाई हटाउन सकियोस्।

राज्य सचिवालय नवान्नसित सम्बन्धित सूत्रानुसार यस कार्यबलको अध्यक्षता मुख्य सचिव मनोज कुमार अग्रवालले गरिरहेका छन् भने यसमा ॉ गृह, परिवहन, भूमि औ राजस्व विभागका वरिष्ठ अधिकारीहरूलाई सामेल गरिएको छ। साथै पूर्व रेलवे, दक्षिण पूर्व रेलवे, पूर्वोत्तर सीमान्त रेलवे, मेट्रो रेलवे औ रेल विकास निगम लिमिटेडका प्रतिनिधिहरूलाई पनि यसमा सामेल गरिएको छ। यस कार्यबलमा मोठ 20 जना सदस्यहरू छन्।

सूत्रको भनाइ छ, यो कार्यबल गठन गर्ने निर्णय पछिल्लो सप्ताह केन्द्रिय रेल मन्त्री अश्विनी वैष्णव कोलकाता यात्रामा आएपछि लिइएको छ जतिबेला उनले मुख्यमन्त्री शभेन्दु अधिकारीहरूसित बैठक पनि गरेका थिए। राज्य सचिवालयको अर्को सूत्रले बतायो, कार्यबलको गठन मुख्यमन्त्रीको त्यो प्रतिबद्धताको पहिलो ठोस सङ्केत हो जसान्तर्गत लम्बित रेलवे परियोजनाहरूलाई चाँड़ै पूरा गर्ने दिशामा काम गरियोस्।

यता रेल मन्त्रीले राज्यमा बुलेट ट्रेन सेवा शुरू गर्ने घोषणा पनि गरेका छन्। यो ट्रेन नयाँ दिल्लीबाट शुरू भएर उत्तर बङ्गालको सिलगढ़ीसम्म आइपुग्नेछ जसको मार्ग लखनऊ, वाराणसी औ पटना हुँदै तय गरिनेछ। सम्पूर्ण यात्रा लगभग 6 घण्टामा पूरा हुनसक्छ। यस अतिरिक्त आगामी पाँच वर्षभित्रमा राज्यमा 60 वटा नयाँ ट्रेन सेवाहरूलाई शुरू गर्ने योजनाको पनि घोषणा गरिएको छ।

हिन्दुस्थान समाचार / उष्णता छेत्री शर्मा