देवरिया, 09 जून (हि.स.)। उत्तर प्रदेशको देवरिया जिल्लाको सदर कोतवाली क्षेत्रको भुजौलीको बुद्ध विहार कोलोनीमा सोमवार राति चोरहरूले एउटा खाली घरलाई निशाना बनाएर लाखौं रुपियाँ बराबरको नगद र गहना चोरे। घटनाको जानकारी पाएपछि पुलिसले घटनास्थलमा पुगेर अनुसन्धान शुरु गरेको छ। शंकास्पद चोरहरू चोरी गर्दै गर्दा सीसीटीभी क्यामेरामा कैद भएका छन्।
सदर कोतवाली क्षेत्रको बुद्ध विहार कोलोनीका निवासी ज्ञान प्रकाश गोड़ आइतवार आफ्नो घरमा ताला लगाएर आफ्नो गाउँ गएका थिए। सोमवार घर फर्किएपछि उनले घरको मुख्य ढोकामा ताला फुटेको भेट्टाए। भित्र पस्दा उनले कोठाका समानहरू छरिएका र दराजको ताला फुटेको पाए। अनुसन्धान गर्दा लाखौं रुपियाँ बराबरको नगद र गहना हराएको पाए।
घटनाको जानकारी पाएपछि पुलिसले घटनास्थलको निरीक्षण गर्योद र नजिकैको सीसीटीभी क्यामेराबाट फुटेज समीक्षा गर्न थाल्यो। प्रारम्भिक अनुसन्धानमा क्यामेरामा केही शंकास्पद व्यक्तिहरू देखिएको छ र पुलिसले उनीहरूलाई पहिचान गर्ने प्रयास गरिरहेको छ।
थाना प्रभारी राकेश कुमार रायले मंगलवार भने, उजुरीको आधारमा मुद्दा दर्ता गरिनेछ र चोरीको घटनाको चाँड़ै समाधान हुनेछ।
हिन्दुस्थान समाचार / भवानी थामी
09 Jun 2026
