पटना, 09 जून (हि.स.)। पटना सिभिल कोर्टले गोलीबारी मामिलामा प्रख्यात शिक्षक फैजल खान (खान सर) को गिरफ्तारीमा रोक लगाएको छ। प्रमुख जिल्ला तथा सत्र न्यायाधीश रूपेश देवले मंगलवार अग्रिम जमानत याचिकाको सुनवाइ गर्दै यो फैसला सुनाए। खान सरका वकिल अरविन्द कुमार महुआरले सोमवार अदालतमा अग्रिम जमानत याचिका दायर गरे। पक्रा परेका दुई सुरक्षा गार्डको लागि पनि जमानत याचिका दायर गरिएको थियो।

शनिवार खान सरको आत्मसमर्पणको खबर आएको थियो तर उनले आत्मसमर्पण गरेनन्। उनका वकिल अरविन्द कुमार महुआरले शनिवार दिउँसो 1.30 बजी अदालत बन्द भएको बताए, जसले गर्दा उनले अग्रिम जमानत याचिका दायर गर्न पाएनन्। त्यसपछि खान सरका वकिलले सोमवार अदालतमा अग्रिम जमानत याचिका दायर गरे। अदालतले सोमवार मुद्दाको सुनवाइ गर्यो र आफ्नो निर्णय सुरक्षित राख्यो। मंगलवार पटना सिभिल कोर्टले खान सरको गिरफ्तारीमा रोक लगायो। मामिलाको अर्को सुनवाइ 30 जूनमा हुनेछ।

02 जूनको रात पटनाका एक प्रसिद्ध प्रशिक्षक खान सरको कोचिङ सेन्टरमा आक्रमण भएको थियो। खान सरले प्रतिद्वन्द्वी कोचिङ सेन्टरका सञ्चालक ज्ञान बिन्दुलाई आक्रमण र गोलीबारी गरेको आरोप लगाएका थिए। पुलिसले घटनाको सीसीटीभी फुटेज जाँच गरेको थियो, जसमा खान सरका गार्डहरूलाई कुटपिट गरिएको र मानिसहरूले ब्यानर र पोस्टरहरू च्यातेको देखाइएको थियो। यद्यपि, उनीहरूले गोलीबारी भएको पुष्टि गरेनन्। सीसीटीभी फुटेजमा कसैलाई पनि गोलीबारी गरेको देखिएन।

यस घटनामा कारबाही गर्दै पुलिसले ज्ञान बिन्दु कोचिङका सञ्चालक रोशन आनन्दलाई पक्राउ गऱ्यो। त्यसपछि सीसीटीभी फुटेज सामाजिक सञ्जालमा भाइरल भयो, जसमा खान सरका गार्डहरूले गोलीबारी गरेको देखाइएको थियो। भीडियोको आधारमा पुलिसले खान सरका दुवै गार्डलाई पक्राउ गऱ्यो। पुलिस सोधपुछको क्रममा गार्डहरूले खान सरको आदेशमा गोलीबारी गरेको स्वीकार गरे। यसपछि पुलिसले खान सर विरुद्ध मुद्दा दायर गरेको थियो।

हिन्दुस्थान समाचार / भवानी थामी