आरहूस, 13 अक्टोबर (हि.स.)। भारतीय पुरूष ब्याडमिन्टन टीमले थमस कपमा आइतबार आफ्नो ग्रुप सी टाईमा आरहूसको सेरेन एरिनामा ताहितीको टीमलाई 5-0 ले पराजित गरी टूर्नामेन्टको क्वार्टर फाइनलमा प्रवेश गरेको छ। टाईको पहिलो म्याचमा 2019 विश्व ब्याडमिन्टन च्याम्पियनशिपको कांस्य पदक विजेता बी साई प्रणीतले लुई ब्यूबियोलाई 21-5, 21-6 ले पराजित गरी भारतलाई पहिलो जित दिलाए। यसपछि समीर वर्माले रेमी रसीलाई 21-12, 21-12 ले पराजित गरी भारतलाई दोस्रो जित दिलाए।

भारतका किरण जर्जले एलियास मौब्लाङ्कलाई केवल 15 मिनटमा 21-4, 21-2 ले पराजित गरी भारतको निम्ति तेस्रो जित दर्ता गरे। यसपछि कृष्णा गराग र विष्णु पंजालाको युगल जोड़ीले ग्लेन लेफोल र रेमी रेसीलाई 21-8, 21-7 ले पराजित गऱ्यो, जबकि टोक्यो ओलम्पियन चिराग शेट्टी र सात्विकसाईराज रेङ्कीरेड्डीले इलायस मौब्लाङ्क र हीवा यवोनेटलाई 21-5, 21-3 ले पराजित गरी क्लीन स्वीप गरे। भारत अब बिहीबार फाइनल ग्रुप म्याचमा चीनसित भिड्नेछ।

हिन्दुस्थान समाचार/भवानी