Custom Heading

अमेरिका, यूके र अस्ट्रेलियापछि कनाडाले पनि बेजिङ विन्टर ओलम्पिकको राजनयिक बहिष्कार गऱ्यो
अमेरिका, यूके र अस्ट्रेलियापछि कनाडाले पनि बेजिङ विन्टर ओलम्पिकको राजनयिक बहिष्कार गऱ्यो


ओटावा, 09 दिसम्बर (हि.स.)। अमेरिका, यूके र अस्ट्रेलियापछि अब कनाडाले पनि बेजिङ विन्टर ओलम्पिकको राजनयिक बहिष्कार गर्ने निर्णय लिएको छ। कनाडाका प्रधानमन्त्री जस्टिन ट्रूडोले बुधबार यसको घोषणा गरेका छन्। ट्रूडोले भनेका छन्, ‘हाम्रो सरकारले सहयोगीहरूको साथ यसबारे चर्चा गरिरहेछ। चीनी सरकारद्वारा बारम्बार मानवाधिकारहरूको उल्लङ्घनले हामी अत्यन्तै चिन्तित छौं। यसलाई मध्यनजर राखेर बेजिङमा हुन गईरहेको विन्टर ओलम्पिकमा आफ्नो राजनयिक प्रतिनिधिहरूलाई पठाउनेछैनौं’।

यसअघि सोमबार अमेरिका र बुधबार अस्ट्रेलियाले ओलम्पिक गेम्सको बहिष्कार गर्ने घोषणा गरेका थिए। अस्ट्रेलियाका प्रधानमन्त्री स्कट मोरिसनले यो निर्णय राष्ट्रिय हितमा लिइएको बताएका थिए। उल्लेख्य, चीन र कनाडाबीच सम्बन्ध 2018 देखि खराब भएको थियो, जब कनाडाले अमेरिकाको प्रत्यर्पण अनुरोधमा हुवावे टेक्नोलोजीका मुख्य वित्तीय अधिकारी एवं कम्पनीका संस्थापककी छोरी मेङ वाझोउलाई पक्राउ गरेको थियो।

हिन्दुस्थान समाचार/भवानी


 rajesh pande