इन्दौर, 22 सेप्टेम्बर (हि.स.)। ऱाष्ट्रिय जाँच एजेन्सी (एनआईए) को टीमले बुधवार मध्यरातमा पोप्युलर फ्रन्ट अफ इण्डिया (पीएफआई) का ठेगानाहरूमा छापामारी कारबाही गऱ्यो। यसमा मध्य प्रदेशको इन्दौर र उज्जैन शहर पनि सामेल छ। यहाँबाट पीएफआईका चार जना सदस्यलाई पक्राउ गरिएको छ, जसमा तीन जना इन्दौर र एक व्यक्तिलाई उज्जैनबाट पक्राउ गरिएको छ।
एनआईएको टीमले बिहीवार बिहानै इन्दौरमा जवाहर मार्गस्थित पीएफआईको अफिस समेत अन्य ठेगानाहरूमा एकसाथ छापामारी कारबाही गऱ्यो। यहाँबाट पीएफआईसित जुड़ेका तीन जनालाई पक्राउ गरिएको छ। इन्दौरका अतिरिक्त पुलिस कमिश्नर राजेश हिंगणकरले यसको पुष्टि गरेका छन्। इन्दौरबाट पीएफआईको स्टेट हेड अब्दुल करीम बैकरी, प्रमुख पदाधिकारी अब्दुल रऊफ बेलिम र जावेद नाम गरेको व्यक्तिलाई पक्राउ गरिएको छ। अब्दुल करीम बैकरीलाई बिहीवार बिहानै 3 बजी अहिल्या पल्टन स्थित उसको घरबाट पक्राउ गरियो।
उज्जैनबाट पीएफआईको सचिव जमील शेखलाई पक्राउ गरिएको सूचना छ। यद्यपि, स्थानीय पुलिसले यसको पुष्टि गरेको छैन। टेरर फण्डिङसित जुड़ेको मामिलामा एनआईएले यो कारबाही गरेको हो।
हिन्दुस्थान समाचार/भवानी
