इम्फाल, 07 दिसम्बर (हि.स.)। मणिपुरमा असूली र उग्रवादी गतिविधिहरूमा लगाम कस्न सुरक्षाबलहरू र राज्य पुलिसले गत 24 घण्टामा व्यापक रूपमा संयुक्त अभियान चलाउँदै विभिन्न उग्रवादी संगठनहरूसित जोड़िएका 11 क्याडरलाई पक्राउ गऱ्यो। इम्फाल वेस्ट, थौबल, विष्णुपुर र काकचिङ जिल्लाहरूमा चलेको यस कारबाहीले घाटी क्षेत्रहरूमा सक्रिय नेटवर्कलाई कमजोर बनाउने रणनीतिलाई अझ् तीव्र गरेको छ।

यो कारबाही इम्फाल पश्चिममा शुरु भएको थियो, जहाँ सुरक्षा बलहरूले प्रीपाक (प्रो) जी5 गठबन्धनका कार्यकर्ता इरोम बोयाई सिंह उर्फ यैतानबा (24) लाई नागामापाल काङ्गजाबी लेइराकबाट पक्राउ गऱ्यो। उ मूल रूपमा विष्णुपुर जिल्लाको कैइबुल लामजाओको निवासी हो र उदेखि एउटा मोबाइल फोन जफत भयो।

थौबल जिल्लामा पुलिसले केवाईकेएलका क्याडर उषाम तोम्बा सिंह उर्फ हेइब्रा (24) लाई साइकोन लाबुक क्षेत्रबाट पक्राउ गऱ्यो। उदेखि एउटा मोबाइल फोन जफत गरियो।

त्यसपछि, सुरक्षा बलहरूले आरपीएफ/पीएलएका कार्यकर्ता थोक्चोम अंगौसाना सिंह उर्फ सन्तोष (52) लाई हेइरोक गेट नजिकै हेइरोक पार्ट-२ बाट पक्राउ गऱ्यो। उदेखि एउटा मोबाइल फोन र सिम कार्ड जफत गरियो।

काक्चिङ जिल्लामा केसीपी (एमएफएल) को कार्यकर्ता केशम थम्बा सिंह उर्फ प्रीतम (32) लाई हियाङलाम थाना क्षेत्र अन्तर्गत सेकमाजिन खोइदुमस्थित उसको घरबाट पक्राउ गरियो।

यसैबीच, इम्फाल पश्चिममा पुलिसले मिनुथोङबाट यूएनएलएफ (कोइरेङ) को सक्रिय सदस्य हिजाम मर्जित सिंह उर्फ धामेन (51) लाई पक्राउ गऱ्यो। पुलिस अनुसार, क्याडर जी5 गठबन्धनको नाममा इम्फाल-दिमापुर राजमार्गमा ट्रक चालकहरूबाट पैसा असुल्ने काममा संलग्न थियो। एउटा मोबाइल फोन जफत गरिएको छ।

थौबल जिल्लामै अर्का यूएनएलएफ (कोइरेङ) को सोइबाम बसन्त सिंह उर्फ समथाबा (37) लाई लाइफ्राकपम ममङ लाइकाईबाट पक्राउ गरिएको छ। उदेखि एउटा मोबाइल फोन र सिम कार्ड जफत गरिएको छ।

यैरिपोक थाना क्षेत्र अन्तर्गत अर्को महत्त्वपूर्ण कारबाहीमा दुई केसीपी (अपुनबा) कार्यकर्ताहरू - कोन्सम अनो सिंह (26) र खोइराम लाङ्गाम्बा मेइतेई (27) - लाई पक्राउ गरिएको छ। उनीहरूदेखि एउटा कार्बाइन (एसएमजी, दुई खाली म्यागजिन, एउटा मोबाइल फोन र एउटा दुई चक्के सवारी साधन जफत गरिएको छ।

प्रीपाक क्याडर थोक्चोम सुशीलकुमार उर्फ आमो (34) लाई बिष्णुपुर जिल्लाको तेरा उरक चेकिङ पोइन्टबाट पक्राउ गरिएको थियो।

इम्फाल पश्चिम पुलिसले लाम्बोइखोङनाङखोङबाट अर्का केसीपी (अपुनबा) क्याडर सिनाम देवेन सिंह (25) लाई पक्राउ गरेको छ र उदेखि एउटा मोबाइल फोन र दुईवटा सिम कार्ड जफत गरिएको छ।

एक दिन अघि केसीपी (तैबाङनबा) को क्याडर वाङखेम चिङ्गलेन सिंह (29) लाई काक्चिङ लामखाई क्षेत्रमा भारत-बर्मा सुग्नु सड़कमा पक्राउ गरिएको थियो। उदेखि एउटा मोबाइल फोन र एउटा डिजेल अटो जफत गरिएको थियो।

हिन्दुस्थान समाचार / भवानी थामी