नयाँ दिल्ली, 03 मार्च (हि.स.)। प्रधानमन्त्री नरेन्द्र मोदीले भारतले प्राप्त गरेका विश्वव्यापी अवसरहरूको पूरा लाभ उठाउन भारतीय उत्पादनहरूको गुणस्तर न केवल अन्तरराष्ट्रिय मापदण्डहरू अनुरूप हुनुपर्छ तर तीभन्दा बढ़ी पनि हुनुपर्ने बताएका छन्। गुणस्तरसित कुनै सम्झौता गर्नु हुँदैन। मंगलवार भीडियो कन्फ्रेन्सिङ मार्फत आर्थिक विकासलाई कायम राख्नु र सुदृढ़ीकरण विषयमाथि आयोजित बजेटपछिको वेबिनारलाई सम्बोधन गर्दै प्रधानमन्त्रीले उद्योग जगतलाई अनुसन्धान र विकासमा लगानी बढ़ाउन र गुणस्तरमाथि विशेष ध्यान दिन आह्वान गरे।

उनले भने, आज जब विश्वव्यापी आपूर्ति शृङ्खलाहरूको पुनर्संरचना भइरहेको छ र भारतको बलियो अर्थव्यवस्था विश्वको आशा बनेको छ, देशले अधिक निर्माण, अधिक उत्पादन, अधिक कनेक्टिभिटी र अब अधिक निर्याततर्फ अघि बढ्नु आवश्यक छ। उनले स्पष्ट पारे कि भारतले धेरै देशहरूसँग स्वतन्त्र व्यापार सम्झौताहरूमा हस्ताक्षर गरेको छ, जसले नयाँ अवसरहरूको ढोका खोलेको छ।

उनले भने, यी अवसरहरूको लाभ उठाउन उद्योगहरूले अन्य देशहरूको आवश्यकता र त्यहाँका उपभोक्ताहरूको अपेक्षाहरूको राम्ररी अध्ययन गर्नुपर्छ र प्रयोगकर्ता-मैत्री उत्पादनहरू विकास गर्नुपर्छ। उनले उद्योग, वित्तीय संस्था र राज्य सरकारहरूलाई समन्वित प्रयासहरू मार्फत तल्लो तहमा परिवर्तन ल्याउन आह्वान गरे।

उनले विनिर्माण र उत्पादन बढ़ाउन, लागत संरचनाहरूलाई अझ् प्रतिस्पर्धी बनाउन, लगानी प्रवाहलाई तीव्र पार्न र देशका दुर्गम क्षेत्रहरूको विकासमा विशेष ध्यान दिनुपर्ने बताए।

बजेटमा घोषणा गरिएको बायोफार्मा शक्ति मिशनको उल्लेख गर्दै प्रधानमन्त्रीले भने, यसको उद्देश्य भारतलाई जैविक औषधि र भावी पुस्ताको उपचारको लागि विश्वव्यापी केन्द्र बनाउनु हो। उनले स्वच्छ प्रौद्योगिकीमा निवेश और कार्बन अवशोषण, उपयोग एवं भण्डारण मिशन जस्ता पहलहरू मार्फत दिगो विकासलाई मुख्य व्यावसायिक रणनीति बनाउने आवश्यकतामाथि पनि जोड दिए। उनले पूर्वाधार र परिवहन तन्त्र देशको विकास रणनीतिका प्रमुख स्तम्भहरू हुन् र बजेटमा रेकर्ड पूँजीगत खर्च प्रावधानले यी प्राथमिकताहरूलाई बलियो बनाउने लक्ष्य राखेको बताए।

उनले भऩे, गत हप्ता बजेट वेबिनार शृङ्खलाको पहिलो संस्करण ठूलो सफलता थियो र बजेट प्रावधानहरूको प्रभावकारी कार्यान्वयनको लागि धेरै महत्त्वपूर्ण सुझावहरू प्राप्त भएका थिए। उनले ठूलो संख्यामा विज्ञ र सरोकारवालाहरूको सहभागितालाई लोकतान्त्रिक बहसमा सफल प्रयोग बताए।

हिन्दुस्थान समाचार / भवानी थामी