गान्तोक, 03 मार्च (हि.स.)। मुख्यमन्त्री प्रेमसिंह तामाङले होलीको जीवन्त र आनन्दमय पर्वको अवसरमा सिक्किमका जनतालाई हार्दिक शुभकामना दिएका छन्। यो पर्वले हाम्रो हृदयमा शान्ति, हाम्रो जीवनमा समृद्धि तथा जात, धर्म र समुदायका सबै सीमाहरू पार गर्ने खुशी लिएर आओस् भनी उनले कामना गरेका छन्।
मुख्यमन्त्रीले आफ्नो सन्देशमा भने, 'रङहरूको यो सुन्दर उत्सव वसन्तको आगमनको प्रतीक हो। यसले नराम्रोमाथि राम्रोको कालातीत विजयलाई प्रतिबिम्बित गर्दछ। यो एक यस्तो उत्सव हो जसले भिन्नताहरूलाई मेटाउॅंछ, बन्धनलाई बलियो बनाउँछ र हाम्रो हृदयलाई न्यानोपन, हाँसो र नयाँ आशाले भरिदिन्छ।'
मुख्यमन्त्रीले होली रङहरूको मात्र उत्सव होइन, तर एकताको उत्सव, हाम्रा साझा सम्पदा र स्थायी परम्पराहरूको अनुस्मारक तथा हामीलाई परिभाषित गर्ने सद्भाव, करुणा र एकताका मूल्यहरू रहेको बताएका छन्। यस उत्सवको मौसमका रङहरूले सिक्किमका प्रत्येक घरलाई उज्यालो पारून् भन्दै उनले सबैको हृदयमा शान्ति, समृद्धि तथा जात, धर्म र समुदायका सबै सीमाहरू पार गर्ने खुशी लिएर आउन् भनी कामना गरेका छन्।
हिन्दुस्थान समाचार / बिशाल
13 Mar 2026
