नयाँ दिल्ली, 24 मई (हि.स.)। अफ्रिकामा द्रूत गतिमा फैलिरहेको इबोला जन स्वास्थ्य आपतकालको सामना गर्न मानवीय सहयोगको रूपमा भारत सरकारले आइतवार चिकित्सा सामग्री र सुरक्षात्मक उपकरणहरूको पहिलो खेप पठाएको छ। यो सहायता अफ्रीका रोग नियन्त्रण र रोकथाम केन्द्रहरू (अफ्रिका सीडीसी) लाई पठाइएको छ।
सामाजिक सञ्जाल प्लेटफर्म 'एक्स' मा जानकारी साझा गर्दै विदेश मन्त्री एस जयशंकरले भनेका छन्, भारत उदाउँदो इबोला जनस्वास्थ्य आपतकाललाई सम्बोधन गर्न अफ्रिकी देशहरूसँग दृढ़तापूर्वक उभिएको छ। उनले भने, हामी इबोला संकटलाई सम्बोधन गर्न अफ्रिकालाई सहयोग गर्न पूर्ण रूपमा प्रतिबद्ध छौं।
भारतले पठाएको यो सहायतामा चिकित्सा उपयोगको आवश्य सामग्री, सुरक्षात्मक उपकरणहरू र स्वास्थ्यकर्मीहरूका लागि विशेष सुरक्षात्मक उपकरणहरू सामेल छन्। यी संसाधनहरूको उपयोग प्रभावित क्षेत्रहरूमा संक्रमण नियन्त्रण, बिरामी हेरचाह र स्वास्थ्यकर्मीहरूको सुरक्षा सुनिश्चित गर्न प्रयोग गरिनेछ।
अफ्रिकाका धेरै भागहरूमा इबोला संक्रमणको बढ्दो संख्यालाई ध्यानमा राख्दै अन्तरराष्ट्रिय स्तरमा सहयोग र संसाधनहरूको आवश्यकता महसूस गरिँदैछ। यस्तो समयमा भारतको पहललाई विश्वव्यापी एकता र साझेदारीको महत्त्वपूर्ण उदाहरण मानिएको छ।
इबोला जस्तो संक्रामक रोगसँग लड्न द्रूत चिकित्सा सहायता, सुरक्षात्मक उपकरण र अन्तरराष्ट्रिय सहयोग आवश्यक छ भन्ने विज्ञहरूको विश्वास छ। भारतले पहिले नै स्वास्थ्य आपतकालको समयमा विभिन्न देशहरूलाई औषधि, खोप र चिकित्सा उपकरण प्रदान गर्दै आएको छ।
भारत सरकारले आगामी दिनहरूमा प्रभावित देशहरूलाई राहत र स्वास्थ्य सेवाहरू सुदृढ़ पार्न आवश्यक परेमा थप सहायता पठाउन सकिने संकेत गरेको छ।
हिन्दुस्थान समाचार / भवानी थामी
24 May 2026
