नयाँ दिल्ली, 24 मई (हि.स.)। प्रधानमन्त्री नरेन्द्र मोदीले सिक्किमको राज्य स्थापना दिवसको अवसरमा केन्द्रिय मन्त्री ज्योतिरादित्य सिन्धियाले लेखेको लेख साझा गर्दै राज्यको सांस्कृतिक सम्पदा, पर्यावरणीय संरक्षण र दिगो विकास मोडेलको प्रशंसा गरे। प्रधानमन्त्रीले भने, लेखले कञ्चनजङ्घालाई सिक्किमको भूमि, स्मृति र चेतनाको संरक्षक बताइएको छ, जसले राज्यको विकसित सिक्किम 2047 को दृष्टिकोणलाई मार्गदर्शन गर्दछ।

सामाजिक सञ्जाल प्लेटफर्म एक्समा आफ्नो सन्देशमा प्रधानमन्त्रीले भनेका छन्, सिक्किम राज्य स्थापनाको 51औं वर्षमा प्रवेश गरिरहेको छ। यस अवसरमा ज्योतिरादित्य सिन्धियाले कंचनजङ्घाका पाँच सम्पदा स्थलहरू मार्फत राज्यको पहिचान, परम्परा र विकास यात्रालाई प्रभावकारी रूपमा प्रस्तुत गरेका छन्। उनले भने, यी पाँच सम्पदा स्थलहरूले विकसित सिक्किम 2047 तर्फ राज्यको प्रगतिलाई उज्यालो पारिरहेका छन्।

एक अंग्रेजी पत्रिकामा प्रकाशित आफ्नो लेखमा ज्योतिरादित्य सिन्धियाले सिक्किमलाई सामाजिक समरसता, पर्यावरणीय संरक्षण, सांस्कृतिक सम्पदा र दिगो विकासको आदर्श उदाहरण बताए। उनले लेखेका छन् कि राज्यको विकास पूर्वाधारमा सीमित छैन बरु सार्वजनिक विश्वास, प्रकृतिको संरक्षण र सांस्कृतिक मूल्यहरूसँग अगाड़ी बढ्छ।

आफ्नो लेखमा सिन्धियाले कञ्चनजङ्घालाई सिक्किमको आत्मा ठहर गर्दै भनेका छन् कि हिमालयको काखमा रहेको यो पहाड़ केवल भौगोलिक पहिचान मात्र होइन तर राज्यको सामूहिक चेतना, विश्वास र परम्पराको प्रतीक हो। उनले कञ्चनजङ्घासँग सम्बन्धित पाँच खजानाहरू उल्लेख गरे: सुन, चाँदी, रत्न, खाद्यान्न र पवित्र ग्रन्थहरू र यी सिक्किमको समृद्ध सांस्कृतिक र प्राकृतिक सम्पदालाई प्रतिनिधित्व गर्छन्।

लेखमा सिक्किम भारतको पहिलो पूर्ण जैविक राज्य हो भन्ने कुरामा पनि जोड दिइएको छ, जहाँ विकास र पर्यावरणीय संरक्षण बीचको सन्तुलनको एक अद्वितीय मोडेल प्रदर्शन गरिएको छ। सिन्धियाले स्वच्छ ऊर्जा, जैविक खेती र दिगो पर्यटनलाई राज्यको भविष्यको विकासको आधारशिला बताए।

उनले भने, सिक्किममा विकास कार्य स्थानीय समुदायहरूको सक्रिय सहभागितामा गरिएको छ। सड़क, डिजिटल कनेक्टिभिटी र पर्यटन पूर्वाधारको विस्तार भएपनि पारिस्थितिक सन्तुलन कायम राख्न निरन्तर प्रयासहरू गरिएका छन्। लेखमा सिक्किमको सांस्कृतिक विविधता, बौद्ध मठ, स्थानीय परम्परा र सामाजिक सद्भावको बारेमा पनि विस्तृत रूपमा छलफल गरिएको छ।

सिन्धियाले आगामी वर्षहरूमा हरित विकास, ज्ञानमा आधारित अर्थव्यवस्था र दिगो पर्यटनको क्षेत्रमा सिक्किम सम्पूर्ण देशको लागि प्रेरणा बन्नसक्ने विश्वास व्यक्त गरे। उनले भने, सिक्किमको विकास यात्राले आधुनिकता र परम्परा बीचको सन्तुलनको एक शक्तिशाली उदाहरण प्रस्तुत गर्दछ।

हिन्दुस्थान समाचार / भवानी थामी