- आर्थिक वर्ष 2026-27 का लागि जीडीपी वृद्धि 6.6 प्रतिशत हुने अनुमान

नयाँ दिल्ली, 05 जून (हि.स)। भारतीय रिजर्भ ब्याङ्क (रिजर्भ ब्याङ्क अफ इन्डिया) ले चालु आर्थिक वर्ष 2026-27 को दोस्रो मौद्रिक नीति समीक्षा बैठकमा रेपो द

रेट अपरिवर्तित राखेको छ। रिजर्भ ब्याङ्कले यसलाई 5.25 प्रतिशतमा अपरिवर्तित राखेको छ। यसले घर र कार ऋण महँगो हुने छैन र ईएमआई बढ्ने छैन।

शुक्रबार मौद्रिक नीति समिति (एमपीसी) को 3 दिने द्वैमासिक समीक्षा बैठकपछि रिजर्भ ब्याङ्कका गभर्नर सञ्जय मल्होत्राले यो निर्णयको घोषणा गरेका हुन्। मल्होत्राले मौद्रिक नीति समिति (एमपीसी) ले चालू आर्थिक वर्षको दोस्रो मौद्रिक समीक्षामा नीतिगत रेपो रेट 5.25 प्रतिशतमा अपरिवर्तित राखेको र तटस्थ राखेको बताए। साथै, चालु आर्थिक वर्ष 2026-27 का लागि जीडीपी वृद्धि 6.6 प्रतिशत हुने अनुमान पनि गरेको छ।

मल्होत्राले भने, विश्वव्यापी अनिश्चितताको बिच हामी विश्वस्त छौं कि हामी चुनौतिहरूलाई पार गर्नेछौँ र बलियो भएर उदाउनेछौँ। यस वर्षको वास्तविक कुल गार्हस्थ उत्पादन (जीडीपी) वृद्धि अहिले 6.6 प्रतिशत अनुमान गरिएको छ। पहिले हामीले 6.9 प्रतिशत अनुमान गरेका थियौँ। चालु आर्थिक वर्षको पहिलो त्रैमासिकमा यो 6.6 प्रतिशत रहेको अनुमान गरिएको छ। यसरी नै‌ दोस्रोका लागि 6.3 प्रतिशत, तेस्रोका लागि 6.5 प्रतिशत र चौथोका लागि 6.8 प्रतिशत अनुमान गरिएको छ।

हरेक दुई महिनामा एमपीसीको बैठक

रिजर्भ ब्याङ्कको मौद्रिक नीति समिति (एमपीसी) मा 6 जना सदस्य हुन्छन्। तीमध्ये तिनजना रिजर्भ ब्याङ्कबाट छन् भने बाँकी केन्द्र सरकारद्वारा नियुक्त हुन्छन्। भारतीय रिजर्भ ब्याङ्कले प्रत्येक दुई महिनामा मौद्रिक समीक्षा बैठक आयोजना गर्दछ। आर्थिक वर्ष 2026-27 मा मौद्रिक समीक्षा समितिको कुल 6 वटा बैठक हुनेछ, पहिलो बैठक 6-8th अप्रेलमा 2026 मा भएको थियो।

रेपो दर के हो?

रेपो दर भनेको त्यो दर हो, जसमा रिजर्भ ब्याङ्कले ब्याङ्कहरूलाई ऋण दिन्छ। कम रेपो दरले ब्याङ्कहरूलाई कम ब्याज दरमा ऋण दिन मद्दत गर्नेछ। ब्याङ्कहरूले सस्तो ऋण पाउँदा त्यसको लाभ प्रायः ग्राहकहरूलाई हुन्छ, जसको अर्थ ब्याङ्कहरूले पनि आफ्नो ब्याज दरहरू घटाउँछन्।

उल्लेखनीय छ, अप्रेलमा भएको एमपीसीको समीक्षा बैठकमा रिजर्भ ब्याङ्कले सर्वसम्मतिले रेपो दर 5.25 प्रतिशतमा अपरिवर्तित राख्दै तटस्थ रुख अपनाएको थियो। रिजर्भ ब्याङ्कले पछिल्लो पटक दिसम्बर 2025 मा नीतिगत ब्याज दर रेपो दर 0.25 प्रतिशतले घटाएर 5.25 प्रतिशत गरेको थियो।

--------

हिन्दुस्थान समाचार / बिशाल