इम्फाल, 10 अक्टोबर (हि.स.)। मणिपुरमा सुरक्षाबलहरूले प्रतिबन्धित संगठन कांगलेई यावोल कन्ना लूप (केवाईकेएल) को एक उग्रवादीलाई पक्राउ गरेको छ। यसका साथै अलग-अलग ठाउँमा चलाइएको अभियानहरूमा हतियार र गोला-बारूदको ठूलो भण्डार जफत गरिएको छ। यो जानकारी शुक्रवार मणिपुर पुलिस मुख्यालयले दिएको हो।

पुलिस मुख्यालय अनुसार, प्रतिबन्धित संगठनको स्वयम्भू हवलदारलाई बिहिवार इम्फाल पश्चिम जिल्लाको उरीपोक क्षेत्रबाट पक्राउ गरियो। यो गिरफ्तारी राज्यभरिको संवेदनशील र सीमान्त क्षेत्रहरूमा चलाइरहेको गहन तलाशी र क्षेत्र वर्चस्व अभियानहरू अन्तर्गत गरियो।

यहीबीच बिहिवार नै इम्फाल पूर्व र काकचिंग जिल्लाहरूमा दुई ठाउँबाट कम्तीमा 13 आग्नेयास्त्र र गोला-बारूद जफत गरियो। राज्यमा लामो समयदेखि चलिरहेको जातिय अशान्तिको मध्यनजर सुरक्षाबलहरूद्वारा जारी आतङ्कवाद विरोधी अभियानहरूको कारण यस्ता हतियार-गोला-बारूद जफत हुनु साधारण भएको छ।

मई 2023 मा मैतेई र कुकी-जो समुदायहरूबीच जातिय संघर्ष शुरू भएदेखि मणिपुरमा तनाउ बनेको छ, जसमा लगभग 260 भन्दा धेरै मानिसहरू मारिए औं धेरै मानिस विस्थापित भए।

यस सालको शुरूआतमा मुख्यमन्त्री एन बीरेन सिंहले राजीनामा दिएदेखि राज्य राष्ट्रपति शासनको अधीन छ र मणिपुर विधानसभा निलम्बित छ। सुरक्षा एजेन्सीहरूले अगाड़ी हिंसा रोक्ने र आतङ्कवादी गतिविधिहरूमाथि अंकुश लगाउने प्रयासहरू अन्तर्गत राज्यभरिमा कड़ा निगरानी र लगातार तलाशी अभियान जारी राखेको छ।

हिन्दुस्थान समाचार / भवानी थामी