नयाँ दिल्ली, 12 अक्टोबर (हि.स.)। दिल्लीका पर्यावरण मन्त्री मनजिन्दर सिंह सिरसाले आइतबार एक्स (पूर्व ट्विटर) मा भिडियो पोस्ट गर्दै भने, अपरेशन ब्लू स्टारको लागि पूर्व प्रधानमन्त्री इन्दिरा गान्धीलाई दोषमुक्त गर्न सकिँदैन। उनका अनुसार, इन्दिरा गान्धीले सिखहरूको पवित्र स्थलमा तोपका गोला प्रहार गर्ने आदेश दिएकी थिइन्, जसका कारण सिख समुदायले उनलाई कहिल्यै माफ गर्न सक्दैन।

सिरसाले भने, “जब पी. चिदम्बरमजस्ता वरिष्ठ कांग्रेसी नेताले नै स्वीकार गर्छन् कि अपरेशन ब्लू स्टारमार्फत श्री हरमन्दिर साहिब (स्वर्ण मन्दिर) भित्र प्रवेश गर्नु ‘गलत निर्णय’ थियो, त्यसले कांग्रेसको त्यो ऐतिहासिक भूल उजागर गर्छ जसले सिख समुदायलाई गहिरो घाउ दियो।” उनले भने, “इन्दिरा गान्धीबाट दोष हटाउने पी. चिदम्बरमको प्रयास अस्वीकार्य छ।”

मन्त्री सिरसाका अनुसार, सिखहरूको सबैभन्दा पवित्र धर्मस्थल स्वर्ण मन्दिरलाई अपवित्र गर्ने आदेश दिने नैतिक र संवैधानिक जिम्मेवारी त्यतिबेलाको राजनीतिक नेतृत्वकै हो। उनले थपे, “न्याय आधा सत्य र छानिएका अपराधबोधहरूमा आधारित भएर प्राप्त हुँदैन। आदेश दिनेहरूलाई दोषमुक्त गर्न इतिहासलाई पुनः लेख्न सकिँदैन।”

---------------

हिन्दुस्थान समाचार / भवानी थामी