ऋषभ शेट्टीको फिल्म ‘कांतारा चैप्टर 1’ अहिले बक्स अफिसमा आफ्नो दबदबा कायम राखेको छ। २ अक्टोबरमा सिनेमाघरमा रिलिज भएको यस फिल्मले १६ दिनभित्रै जबरजस्त कमाइ गर्दै अन्ततः ५०० करोड रुपियाँ क्लबमा प्रवेश गरेको छ। यद्यपि व्यापारिक दिनहरूमा यसको कमाइमा केही घटबढ देखियो, तर वीकेन्डमा फिल्मले फेरि गति लिएको छ।

सैकनिल्कको रिपोर्टअनुसार, फिल्मले आफ्नो तेस्रो शनिबार अर्थात् १७ अक्टोबर मा बक्स अफिसमा करिब १२.५० करोड रुपियाँको शानदार कमाइ गरेको छ। यसअघि, १६ अक्टोबर मा फिल्मको कलेक्सन ८.५ करोड रुपियाँ रहेको थियो। वीकेन्ड र दीवालीको माहोलले ऋषभ शेट्टीको फिल्मलाई स्पष्ट रूपमा फाइदा दिएको छ। कुल मिलाएर, रिलिजको १७औँ दिनसम्म ‘कांतारा चैप्टर 1’ को कलेक्सन ५०६.२५ करोड रुपियाँ पुगेको छ।

शानदार प्रदर्शनसहित, यो फिल्म सन् २०२५ को दोस्रो सबैभन्दा बढी कमाउने फिल्म बनिसकेको छ। अब यसको नजर विक्की कौशलको फिल्म ‘छावा’ को रेकर्डमा टिकेको छ, जसले अहिलेसम्म ६०३ करोड रुपियाँको कलेक्सन गरेको छ। त्यस्तै, बक्स अफिसमा अब ऋषभको फिल्मलाई कडा चुनौती दिने आयुष्मान खुराना र रश्मिका मन्दानाको फिल्म ‘थामा’ आउँदैछ, जुन २१ अक्टोबर (दीवाली) मा रिलिज हुनेछ।

-------------

हिन्दुस्थान समाचार / भवानी थामी