क्वेटा (बलूचिस्तान), २७ अक्टोबर (हि.स.)। बलूच लिबरेशन आर्मी (बीएलए) द्वारा गरिएको आक्रमणमा पाकिस्तान सेनाका तीन जवान मारिएका छन्। बीएलएले आइतबार कलात र केच जिल्लाका विभिन्न स्थानमा सेनाका ठेगानामा आईईडी (विस्फोटक) हमला गरेको हो। यसैबीच, प्रान्तका स्थानीय बासिन्दाले जबरजस्ती बेपत्ता पारिएका नागरिकहरूको रिहाइको माग गरेका छन्।

‘द बलूचिस्तान पोस्ट’ (पश्तो भाषा) का अनुसार, बलूच लिबरेशन आर्मीका प्रवक्ता जैंद बलूचले मिडियामा जारी विज्ञप्तिमा बताएका छन्, उनका लडाकुहरूले कलात र केचमा पाकिस्तानी सेनालाई निशाना बनाए। कलातको ग्रैप क्षेत्रमा रिमोट कन्ट्रोल आईईडी विस्फोट गराइएको थियो। उक्त विस्फोटमा दुई सैनिक घटनास्थलमै मारिए भने एक जना घाइते भए।

उनीहरूले थप बताएका छन्, गत दिन बीएलएका कमान्डरहरूले आफ्नो बम निरोधक एकाइसँगै केचको गुरकोप क्षेत्रमा मियानी क्लुगमा कब्जा गर्न पुगेको पाकिस्तानी सेनाको काफिलामाथि आक्रमण गरेका थिए। उक्त आक्रमणमा एक सैन्य अधिकारीको घटनास्थलमै मृत्यु भएको र अर्को गम्भीर घाइते भएको जनाइएको छ।

त्यसैगरी, केच क्षेत्रमा बेपत्ता भएका युवाहरूका परिवारले विरोध प्रदर्शन गरेका छन्। परिवारका अनुसार, ती युवाहरूलाई पाकिस्तान सेनाले जबरजस्ती उठाएको हो। बेपत्ता युवाहरूमा फहद (उस्मानका छोरा), हारून (मोहम्मद जानका छोरा) र हमूद (मोहम्मद जानका छोरा) रहेका छन्।

हिन्दुस्थान समाचार / भवानी थामी