बलिया, ३ अक्टोबर (हि.स.)। उत्तर प्रदेशको बलिया जिल्लामा आवश्यकतामन्दलाई पैसा र नौकरीको प्रलोभन देखाएर धर्म परिवर्तन गराउने तथा देवी–देवताका मूर्तिहरू तोड्न उक्साउने आरोपमा पुलिसले शुक्रबार एक व्यक्तिलाई पक्राउ गरेको छ।
पुलिस अधीक्षक ओमवीर सिंहले शुक्रबार साँझ पत्रकार सम्मेलनमा जानकारी दिँदै भने, भीमपुरा थाना क्षेत्रको बाराडीह लवाइपट्टी गाउँका विनोद कुमारमाथि धेरै गम्भीर आरोपहरू छन्। तीमध्ये एउटा आरोप यो पनि हो कि उनी गाउँको हरिजन बस्तीमा केही बाहिरी मानिसहरूसँग मिलेर स्थानीयलाई जम्मा गरी इसाई धर्मको प्रचार–प्रसार गरिरहेका थिए। उनी इसाई धर्म अपनाउन पैसा, रोजगारसँगै आवासको पनि लालच दिइरहेका थिए। यसबाहेक उनले हिन्दू देवी–देवताका प्रतिमाहरू तोड्न समेत मानिसहरूलाई उक्साउने काम गरिरहेको आरोप छ।
पुलिसले आरोपीलाई उनको घरबाट पक्राउ गरी अदालतमा पेश गर्यो, जहाँबाट उनलाई जेल पठाइएको छ। उनको घरबाट बाइबलसहित केही धार्मिक सामग्री बरामद गरिएको छ। यस प्रकरणमा विनोद कुमारसहित अन्य अज्ञात व्यक्तिहरूमाथि समेत मुद्दा दर्ता गरिएको छ।
---------------
हिन्दुस्थान समाचार / बिशाल
