श्रीनगर, 30 अक्टोबर (हि.स.)। पीडीपी अध्यक्ष महबुबा मुफ्तीले बिहीवार भनिन्, उपराज्यपाल प्रशासनद्वारा गरिएको दुईजना कर्मचारीहरूको बर्खास्तले मुसलमान विशेष गरी कश्मीरीहरूलाई कमजोर बनाउने व्यापक एजेण्डाको चिन्तालाई बढ़ाउँछ।

उनको यो टिप्पणी जम्मू-कश्मीरका उपराज्यपाल मनोज सिन्हाद्वारा आतंकवादीहरूसित कथित सम्बन्ध रहेको आरोपमा दुईजना सरकारी कर्मचारीहरूलाई बर्खास्त गरिएपछि आएको हो। उपराज्यपालले गुलाम हुसैनर माजिद इकबाल डार दुवै शिक्षकको सेवालाई समाप्त गरिदिए जसलाई लश्कर-ए-तैयबा (एलईटी) संगठनका गतिविधिहरूलाई समर्थन गर्नमा सक्रिय रूपमा रहेको पाइएको थियो।

उनले आरोप लगाइन्, कथित आतंकवादी सम्बन्धको कारणले थप दुईजना सरकारी कर्मचारीहरूलाई बर्खास्त गरिएको छ र उनीहरूलाई आफूलाई निर्दोष साबित गर्ने अवसर समेत दिइएन। यसबाट मुसलमानहरू विशेष गरी कश्मीरीहरूलाई कमजोर बनाुने व्यापक एजेण्डाको चिन्तालाई बढ़ाउँछ।

पूर्व मुख्यमन्त्रीले आरोप लगाइन्, पहिला त उनीहरूलाई पक्षपातपूर्ण आरक्षण नीतिको कारणले समस्यामा धकेलिँदैछ जस्तो कि जम्मू-कश्मीरमा आरक्षण प्रमाण पत्रमाथि हालैमा भएको खुलासाबाट थाहा लाग्छ, अब फेरि गलत ढंगमा बर्खास्त् गरिँदैछ जहाँ जज, जूरी र जल्लाद सबै एकातिर छन्।

पछिल्लो पाँच वर्षभित्रमा उपराज्यपालको नेतृत्वमा रहेको प्रशासनले संविधानको अनुच्छेद 311-लाई आधार मान्दै अहिलेसम्ममा लगभग 80 जना सरकारी कर्मचारीहरूलाई सेवाबाट बर्खास्त गरिसकेको छ।

---------------

हिन्दुस्थान समाचार / उष्णता छेत्री शर्मा