गौतमबुद्ध नगर, ०४ अक्टोबर (हि.स.)। थाना बिसरख क्षेत्रमा गौर सिटी–२ नजिकैको पसलमा काम गर्ने एक युवकलाई केही व्यक्तिहरूले कुटपिट गरी गम्भीर घाइते बनाएका थिए। उक्त युवकको मृत्यु भएको छ। घटनाबारे जानकारी पाएपछि पुलिस घटनास्थलमा पुगेर अनुसन्धान सुरु गरेको छ। कुटपिट गर्ने व्यक्ति र पसलको मालिक भागेका छन्।
थाना बिसरखका प्रभारी निरीक्षक मनोज कुमार सिंहका अनुसार, गौर सिटी–२ नजिकैको एक क्याफेमा काम गर्ने २६ वर्षीय निट्टूसँग सोही ठाउँमा काम गर्ने केही व्यक्तिहरूसँग विवाद भएपछि कुटपिट भएको हो। घटनामा उनी गम्भीर घाइते बनेका थिए। आरोपीहरू उनलाई रगताम्य अवस्थामा त्यहीँ छोडेर फरार भएका थिए। पुलिसलाई बिहान घटनाबारे जानकारी दिइएको थियो।
थाना प्रभारीले बताएअनुसार घटनास्थलमा पुगेको पुलिसले शवलाई पोस्टमार्टमका लागि पठाएको छ। जस पसलमा निट्टू काम गर्थे, सो पसलका मालिक र अन्य कर्मचारीहरू फरार छन्। पुलिसले घटना किन र कसरी भयो भन्नेबारे अनुसन्धान गरिरहेको छ।
पुलिसलाई आशंका छ कि मदिरा सेवनपछि दुबै पक्षबीच विवाद भई कुटपिट भएको हो। सबै कोणलाई ध्यानमा राखेर अनुसन्धान भइरहेको छ। घटनाबारे जानकारी फैलिएपछि ठूलो संख्यामा स्थानीयहरू घटनास्थलमा भेला भएका थिए।
---------------
हिन्दुस्थान समाचार / भवानी थामी