म्यानचेस्टर, 10 नोभेम्बर (हि.स.)। आइतबार राति इतिहाद स्टेडियममा लिभरपुललाई ३-० ले पराजित गर्दै म्यानचेस्टर सिटीले आफ्ना प्रबन्धक पेप गर्डियोलाको १००० औं खेललाई अविस्मरणीय बनायो। यो जितसँगै, सिटीले प्रिमियर लिग तालिकामा आर्सेनलको अग्रता चार अंकमा घटायो।
शनिबार सुन्दरल्याण्डसँग आर्सनलको २-२ को बराबरी खेलेपछि सिटीसँग आफ्नो प्रभुत्व कायम गर्ने मौका थियो, र गर्डियोलाको टोलीले सिजनको अहिलेसम्मको उत्कृष्ट प्रदर्शनको साथ यसको लाभ उठायो।
पहिलो हाफमा एर्लिङ हालान्डले पेनल्टी पाए, जुन लिभरपुलका गोलकिपर जियोर्गी मामारदाशभिलीले बचाए। तर २९ औं मिनेटमा हालान्डले म्याथ्यूस नुनेसको उत्कृष्ट क्रसलाई गोलमा परिणत गरेर सिटीलाई अग्रता दिलाए।
हाफटाइम हुनुभन्दा ठीक अगाडि निको गोन्जालेजको प्रहार वान डाइकलाई लागेर गोलपोस्टभित्र पस्यो र सिटीलाई २-० को अग्रता मिल्यो। दोस्रो हाफमा लिभरपुलले पुनरागमन गर्ने प्रयास गऱ्यो खेलाडीहरूले धेरै अवसर गुमाए। ६३ औं मिनेटमा जेरेमी डोकुले केही व्यक्तिगत कौशल प्रदर्शन गर्दै इब्राहिमा कोनाटेलाई झुक्याएर एक गोल गरे र दललाई ३-० को अग्रता दिलाए।
यो जितसँगै म्यानचेस्टर सिटी तालिकामा दोस्रो स्थानमा उक्लिएको छ, जबकि लिभरपुल आठौं स्थानमा झरेको छ। लिभरपुलले यस सिजनमा पाँचौं हारको सामना गर्नु परेको छ।
हिन्दुस्थान समाचार / भवानी थामी
