नयाँ दिल्ली, 5 नोभेम्बर (हि.स.)। डा. मङ्गलम स्वामीनाथन फाउण्डेशनले बुधबार ‘८औं राष्ट्रिय उत्कृष्टता पुरस्कार २०२५’ का विजेताहरूको घोषणा गरेको छ। यो पुरस्कार हरेक वर्ष देशका विभिन्न क्षेत्रहरूमा उल्लेखनीय योगदान दिने व्यक्तित्वहरूलाई सम्मानित गर्न प्रदान गरिन्छ। प्रत्येक पुरस्कारसँग एक लाख रुपियाँको राशि, स्मृति चिह्न र प्रशस्ति पत्र प्रदान गरिनेछ।

यस वर्ष पत्रकारितामा उत्कृष्टताको सम्मान द इन्डियन एक्सप्रेसकी डेपुटी एडिटर लिज म्याथ्युलाई प्रदान गरिनेछ। उनलाई राजनीतिक रिपोर्टिङ, निष्पक्ष दृष्टिकोण र सशक्त अन्तर्वार्ता शैलीका लागि छनोट गरिएको हो।

विज्ञान रिपोर्टिङमा उत्कृष्टता पुरस्कार पीटीआईकी मुख्य संवाददाता उज्मी अथरलाई पर्यावरण, जलवायु परिवर्तन र विज्ञान–प्रविधिमा प्रभावशाली रिपोर्टिङका लागि प्रदान गरिनेछ। कला र संस्कृति श्रेणीमा लेखिका तथा फिल्म निर्देशक सागरी छाबड़ालाई स्वतन्त्रता आन्दोलनका अदेखा अध्यायहरू र नायकहरूबारे अनुसन्धानात्मक कार्यका लागि सम्मानित गरिनेछ।

विज्ञान रिपोर्टिङ श्रेणीमा विशेष पुरस्कार केरलस्थित मातृभूमि न्यूजका एसोसिएट एडिटर बिजु पंकजलाई पर्यावरण संरक्षण र वन विनाशबारे प्रभावशाली डकुमेन्ट्री कार्यका लागि प्रदान गरिनेछ।चिकित्सा क्षेत्रमा अनियमितता उजागर गर्ने कार्यका लागि केरल कौमुदीका मुख्य समाचार सम्पादक वी.एस. राजेशलाई पुरस्कार प्रदान गरिनेछ। उनको खोजी रिपोर्टले अस्पताल र स्टेन्ट आपूर्तिकर्ता बीचको साठगाँठ उजागर गरेको थियो, जसपछि केन्द्र सरकारले स्टेन्टको मूल्य घटाएको थियो।

सामाजिक सेवा श्रेणीअन्तर्गत ‘श्री दत्तोपन्त ठेंगड़ी सेवा सम्मान’ आर्ष विद्या समाजमका संस्थापक आचार्य के.आर. मनोज र दिव्य प्रेम सेवा मिशनका अध्यक्ष आशीष गौतम लाई प्रदान गरिनेछ।

प्रवासी भारतीय उत्कृष्टता सम्मान बहराइन र साउदी अरबमा रहेको अमाद ग्रुपका चेयरम्यान पम्बावासन नायरलाई परोपकारी कार्य र विपन्नहरूको सहयोगका लागि प्रदान गरिनेछ।

फाउण्डेशनका अध्यक्ष तथा प्रबन्ध न्यासी आर. बालाशंकरका अनुसार, यस वर्ष देशभरबाट एक हजारभन्दा बढी नामावली प्राप्त भएका थिए, जसबाट विज्ञ समितिले विजेताहरूको छनोट गरेको हो। पुरस्कार समारोह 29, नोभेम्बर २०२५ मा एनडीएमसी कनभेन्सन सेन्टर, संसद मार्ग, नयाँ दिल्लीमा आयोजित गरिनेछ।

हिन्दुस्थान समाचार / भवानी थामी