चण्डीगढ, 5 नोभेम्बर (हि.स.)। भारतका पूर्व गृहमन्त्रीसम्बन्धी विवादास्पद अभिव्यक्ति दिएपछि पञ्जाब काँग्रेस प्रमुख तथा लुधियानाका सांसद अमरिन्दर सिंह राजा वडिङ विरुद्ध कपूरथलामा एफआईआर दर्ता गरिएको छ। राजा वडिङविरुद्ध दिवंगत बूटा सिंहका छोरा सरबजोत सिंह सिद्धूले पुलिसमा उजुरी दिएका थिए।

राजा वडिङले तरनतारनमा भइरहेको उपनिर्वाचनका क्रममा आयोजित जनसभामा दिवंगत बूटा सिंहलाई लिएर विवादास्पद टिप्पणी गरेका थिए। उक्त भाषणमा उनले रंघरेटे गुरुको छोराको उदाहरण पनि दिएका थिए, तर त्यसपछि पनि विपक्षी दलहरूले उनलाई निरन्तर घेरिरहेका छन्।

राजा वडिङले यसअघि सार्वजनिक रूपमा माफी मागिसकेका छन्, तर विवाद शान्त भएको छैन। राष्ट्रिय अनुसूचित जाति आयोगले वडिङमाथि कारबाहीका लागि तरनतारनका जिल्ला उपायुक्त र एसएसपीसँग सात दिनभित्र लिखित जवाफ मागेको छ। पञ्जाब एससी आयोगले जिल्ला निर्वाचन अधिकृतलाई बोलाएर सोधपुछ गरेको छ कि वडिङलाई अझैसम्म जिल्लाबाट निष्कासन किन गरिएको छैन।

अब कपूरथला पुलिसले राजा वडिङविरुद्ध धारा 353 र 196 साथै एससी/एसटी ऐनकी धारा 3(1)(यू) र 3(1)(वी) अन्तर्गत मुद्दा दर्ता गरेको छ।

हिन्दुस्थान समाचार / भवानी थामी