नयाँ दिल्ली, 9 नोभेम्बर (हि.स.)। आजकै दिन सन् २००१ मा भारतका तत्कालीन प्रधानमन्त्री अटल बिहारी वाजपेयीले संयुक्त राष्ट्र महासभा (UNGA) लाई सम्बोधन गरेका थिए। उनको यो सम्बोधनलाई अन्तरराष्ट्रिय मञ्चमा भारतको सशक्त र सन्तुलित परराष्ट्र नीतिको प्रतीकका रूपमा मानिन्छ।
आफ्नो भाषणमा वाजपेयीले विश्वव्यापी आतङ्कवाद, आर्थिक असमानता र विकासशील देशहरूले सामना गरिरहेका चुनौतीहरूमा जोड दिएका थिए। उनले भनेका थिए, “आतङ्कवाद कुनै एक देशको समस्या होइन, यो सम्पूर्ण मानवताका लागि खतरा हो' र यसविरुद्ध विश्वव्यापी एकताको आवश्यकता औंल्याएका थिए।
वाजपेयीले यसै क्रममा संयुक्त राष्ट्रलाई अझ प्रभावकारी र लोकतान्त्रिक बनाउने आवश्यकता पनि बताए, ताकि विश्व शान्ति र विकासका लक्ष्यहरू प्रभावकारी रूपमा हासिल गर्न सकियोस्। उनले भारतको तर्फबाट स्थायी शान्ति, परमाणु निशस्त्रीकरण र समान विकासका लागि प्रतिबद्धता दोहोर्याएका थिए।
यो सम्बोधन त्यस्तो समयमा भएको थियो जब विश्व ११ सेप्टेम्बर, २००१ को आतङ्की हमलापछि अस्थिर अवस्थाबाट गुज्रिरहेको थियो, र वाजपेयीको सन्देशले शान्ति, सह-अस्तित्व र अन्तर्राष्ट्रिय सहकार्यको दिशामा एक बलियो पहलको संकेत दिएको थियो।
महत्वपूर्ण घटनाक्रम
१६५९ – शिवाजी महाराजले प्रतापगढ किल्ला नजिक अफजल खानलाई पराजित गरी मारे।
१८८५ – गोतलिएब डेम्लरले विश्वकै पहिलो मोटरसाइकल प्रस्तुत गरे।
१९५० – अमेरिकी लेखक विलियम फक्नरलाई साहित्यतर्फको नोबेल पुरस्कार प्रदान।
१९५१ – संयुक्त राष्ट्र सुरक्षा परिषदले प्रस्ताव ९६ स्वीकृत गर्यो।
१९७० – फ्रान्सका पूर्व राष्ट्रपति चार्ल्स द गॉलको निधन।
१९७० – चीनको ‘ग्रेट वाल’ (महान भित्तो) सर्वसाधारणका लागि खोलियो।
१९८३ – बिल गेट्सले ‘विन्डोज १.०’ को सुरुवात गरे।
१९८९ – जर्मनीमा बर्लिनको पर्खाल भत्काउने काम सुरु।
१९९४ – श्रीनगरको श्रीयन्त्र टापुमा प्रहरीले कारबाही गर्दै हिंसा मच्चायो।
१९९५ – न्युजिल्यान्डको अकल्यान्डमा राष्ट्रमण्डल शिखर सम्मेलन प्रारम्भ।
१९९७ – चीन–रूस घोषणापत्रले दुबै देशबीचको सीमांकन विवाद अन्त्य।
२००० – गंगा–मेकाङ सम्पर्क परियोजनाको काम सुरु।
२००१ – भारतीय प्रधानमन्त्री अटल बिहारी वाजपेयीले संयुक्त राष्ट्र महासभालाई सम्बोधन गरे।
२००२ – अस्ट्रेलियाले इङ्ल्यान्डलाई हराएर पहिलो एशेज टेस्ट जित्यो।
२००४ – झेंगझोउ चीनको आठौं पुरानो शहर घोषणा।
२००५ – अमेरिकी राष्ट्रपति जर्ज बुशले चीनको विरोध बेवास्ता गर्दै दलाई लामासँग भेट गरे; जोर्डनका तीन होटलमा विस्फोट, ५७ जनाको मृत्यु।
२००६ – श्रीलंकाका तमिल नेता नाडाराजाह रविराजको कोलम्बोमा हत्या।
२००७ – बेलायतको अपील अदालतले भारतीय चिकित्सकहरूलाई युरोपेली संघका चिकित्सकहरूसँग समान व्यवहार गर्न आदेश दियो।
२००८ – भारत र कतारबीच रक्षा तथा सुरक्षा सम्झौतामा हस्ताक्षर, भारतले अस्ट्रेलियालाई हराएर २–० ले बोर्डर–गावस्कर ट्रफी जित्यो, आन्ध्र बैंकले आफ्नो प्रमुख ऋणदरमा ०.७५% कमी गर्यो, नासाले मंगल ग्रहका लागि ‘फिनिक्स मिशन’ को अन्त्य घोषणा गर्यो।
जन्म
१४८३ – मार्टिन लुथर, ईसाई धर्ममा नयाँ धारा शुरु गर्ने विचारक।
१८४८ – सुरेन्द्रनाथ बनर्जी, भारतीय राष्ट्रिय कांग्रेसका संस्थापक नेतामध्ये एक।
१८७१ – सच्चिदानन्द सिन्हा, प्रख्यात सांसद, शिक्षाविद् र पत्रकार।
१९०९ – जोनी मार्क्स, अमेरिकी संगीतकार र गीतकार।
१९२० – दत्तोपन्त ठेंगडी, राष्ट्रवादी श्रमिक नेता र भारतीय मजदुर सङ्घका संस्थापक।
१९२० – सदानन्द बकरे, प्रसिद्ध भारतीय मूर्तिकार र चित्रकार।
१९५१ – मनमोहन महापात्र, चर्चित उड़िया चलचित्र निर्देशक।
१९५४ – डोनकुपर रोय, मेघालयका पूर्व मुख्यमन्त्री।
१९५४ – जोय गोस्वामी, प्रसिद्ध बंगाली कवि।
१९६३ – रोहिणी खादिलकर, एशियाई चेस च्याम्पियनसिप (१९८१) जित्ने पहिलो भारतीय महिला।
निधन
१२४० – इब्न अरबी, प्रख्यात सूफी कवि र दार्शनिक।
१९०८ – कनाइलाल दत्त, भारतका अमर शहीद।
१९३१ – गंगाप्रसाद अग्निहोत्री, प्रसिद्ध हिन्दी साहित्यकार।
१९९५ – फजल ताबिश, भोपालका चर्चित शायर।
२०१३ – विजयदान देथा, राजस्थानी भाषाका प्रसिद्ध साहित्यकार।
२०२० – सत्यजीत घोष, भारतीय फुटबल खेलाडी।
महत्वपूर्ण दिवस
परिवहन दिवस
हिन्दुस्थान समाचार / भवानी थामी
