कोलकाता, 13 दिसम्बर (हि.स.)। पश्चिम बंगालको राजधानी कोलकातामा एउटा अविस्मरणीय क्षण देख्न पाइय़ो जब अन्तरराष्ट्रिय फुटबल सुपरस्टार लियोनेल मेस्सी र बलिवुड सुपरस्टार शाहरुख खान आमनेसामने भए। युवा भारती क्रीड़ांगनमा हुने शनिवारको कार्यक्रमअघि स्टेडियम नजिकैको होटलमा दुई दिग्गजहरू भेटे। मेस्सीले शाहरुख खानलाई मुस्कानका साथ स्वागत गरे र हात बढ़ाए र स्नेहपूर्वक शाहरूखका कान्छो छोरा अब्राहम खानलाई पनि आफ्नो छेउमा बोलाए। दुवैले तस्वीर खिच्नपनि पोज दिए।
लियोनेल मेस्सी शुक्रवार राति लगभग 2.30 बजी आफ्ना निकटतम साथीहरू र लामो समयदेखिका सहकर्मी लुइस सुआरेज र रोड्रिगो डी पलसँग कोलकाता आइपुगे। मेस्सी विमानस्थलबाट सिधै होटल गए। शाहरुख खान शनिवार बिहान आफ्ना छोरा अब्राहमसँग कोलकाता आइपुगे र बिहान सवेरै मेस्सीलाई भेट्न होटल गए।
यो विशेष भेटघाटको पहल मुख्य आयोजक शताद्रु दत्तले गरे। परिचयको क्रममा मेस्सीले शाहरुख खानको न्यायो स्वागत गरे र एकअर्काको स्वास्थ्यलाभबारे छोटो सोधपुछ गरे। त्यसपछि दुई सिताराहरूसँग तस्वीर खिचियो। तस्वीरहरूमा मेस्सी र शाहरुख खानको बीचमा लुइस सुआरेज देखिए भने रोड्रिगो डे पल पनि यस ऐतिहासिक उपस्थितिको हिस्सा बने। राज्यका अग्नि मन्त्री सुजित बोस पनि यस अवसरमा उपस्थित थिए।
ज्ञात होस्, लियोनेल मेस्सी लगभग 14 वर्षपछि कोलकाता आएका छन्। उनको आगमनलाई लिएर शहरमा जोडदार उत्साह देखियो। समर्थकहरूको ठूलो भीड़ विमानस्थलदेखि होटल र त्यसपछि कार्यक्रमस्थलमा जम्मा भयो। शाहरुख खान र मेस्सी बीचको यो भेटले खेलकुद र सिनेमा जनताका दुई ठूला अनुहारलाई एउटै फ्रेममा ल्यायो, जसलाई प्रशंसकहरूले लामो समयसम्म सम्झनेछन्।
हिन्दुस्थान समाचार / भवानी थामी
