खरसाङ, 14 दिसम्बर (हि.स.)। घैयाबारी स्पोर्ट्स वेलफेयर एसोसिएशनको आयोजनामा घैयाबारीमा यसपाली पनि नगद राशि फुटबल टुर्नामेन्टको आयोजना गरिने भएको छ। घैयाबारीको नेताजी हाई स्कूलमा आगामी 3 जनवरीदेखि उक्त नगदराशि फुटबल टुर्नामेन्ट शुरु हुने भएको छ।

घैयाबारीमा‌ आज पत्रकारहरुलाई सम्बोधन गर्दै घैयाबारी स्पोर्ट्स वेलफेयर एसोसिएशनका पदाधिकारीहरूले आगामी 3 जनवरीदेखि नगद राशि फुटबल टुर्नामेन्ट शुरु हुने जानकारी गराए। यस फुटबल टुर्नामेन्टका विजेतालाई ट्रफीसहित एक लाख पचास हजार रुपियाँ र उप विजेतालाई ट्रफीसहित एक लाख रुपियाँ नगदराशिसहित गरिने छ।

घैयाबारी स्पोर्ट्स वेलफेयर एसोसिएशनका सभापति सम्पल राई र सचिव शंकु खवासले भने, 16 वटा टिमलाई प्राथमिकता दिइने छ, यस कारण आगामी 28 दिसम्बरसम्म टिम जोइन गर्न सक्ने छन्।

हिन्दुस्थान समाचार / हनोक