कोलकाता, 15 दिसम्बर (हि.स.)। भारतीय जनता पार्टी (भाजपा) राज्यसभा सांसद तथा पश्चिम बंगाल भाजपा अध्यक्ष शमिक भट्टाचार्यले नयाँ दिल्लीमा केन्द्रिय गृहमन्त्री अमित शाहलाई भेटे। उनीसँगै झारखण्ड राज्यसभा सांसद दीपक प्रकाश पनि थिए।
शमिक भट्टाचार्यले सोमवार सामाजिक सञ्जाल प्लेटफर्म एक्समा एक पोस्टमा लेखेका छन्, झारखण्डका मेरा राज्यसभा सहयोगी दीपक प्रकाश र मैले केन्द्रिय गृहमन्त्री अमित शाहसँग पश्चिम बंगाल र झारखण्डमा भइरहेको जनसांख्यिकीय परिवर्तनबारे छलफल गऱ्यौं।
दुई भाजपा सांसदले पश्चिम बंगाल र झारखण्डमा कथित जनसांख्यिकीय परिवर्तनको मुद्दा गृहमन्त्रीसँग उठाए। यो बैठक यी दुई राज्यहरूमा जनसांख्यिकीय चिन्ताहरूतिर केन्द्र सरकारको ध्यान आकर्षित गर्ने उद्देश्यले गरिएको थियो।
यो बैठक पश्चिम बंगाल र झारखण्डमा जनसांख्यिकीय परिवर्तनबारे चलिरहेको राजनीतिक बहसको समयमा भएको हो। भाजपा नेताहरूले यो मुद्दालाई गम्भीरतापूर्वक लिएका छन् र केन्द्रीय गृह मन्त्रालयको ध्यानाकर्षण गराएका छन्।
गृहमन्त्री अमित शाहले दुवै सांसदहरूको कुरा सुने र यस विषयमा थप कारबाहीको सम्भावनाबारे छलफल गरियो।
हिन्दुस्थान समाचार / भवानी थामी
15 Dec 2025
