मीरजापुर, 16 दिसम्बर (हि.स.)। उत्तर प्रदेशको मीरजापुर जिल्लामा गौ तस्करीको मामिलामा वाञ्छित 20-20 हजार रूपियाँ इनामी गौ तस्करलाई अहरौरा पुलिसले मंगलवार पक्राउ गरेको छ।

थाना प्रभारी सदानन्द सिंहले 13 दिसम्बरमा अहरौरा पुलिसले जंगलबाट वधको लागि ढुवानी भइरहेको 21 गाई जफत गरेको र भिड़न्तमा एक गौ तस्कर सन्दीप उर्फ मुन्ना रायलाई पक्राउ गरिएको बताए। उसका दुई साथीहरू अँध्यारोको आड़मा भागे। पुलिसले उनीहरूको सक्रियतापूर्वक खोजी गरिरहेको छ। एसएसपीले उनीहरूमाथि 20-20 हजार रूपियाँको पुरस्कार घोषणा गरेको थियो।

मंगलवार सूचनाको आधारमा अहरौरा थाना पुलिसले भक्शी नदीको किनारबाट फरार गौ तस्करहरूलाई पक्राउ गऱ्यो। उनीहरूको पहिचान चन्दौली जिल्लाको मुनेश्वर विश्वकर्मा र सचाऊ बिन्दको रूपमा गरिएको छ। थाना प्रभारी सदानन्द सिंहले भने, दुवै अभियुक्तहरू विरुद्ध कारबाही गरी अदालतमा पेश गरियो, जहाँबाट उनीहरूलाई जेल पठाइएको छ।

हिन्दुस्थान समाचार / भवानी थामी