रायपुर, 18 दिसम्बर (हि.स.)। राजधानी निकट तिल्दा थानान्तर्गत वार्ड नम्बर 15 मा बिहीवार बिहान एक युवकको रगतले लतपतिएको शव फेला परेको छ। युवकको शव बलुवाको थुप्रोमा लड़िरहेको अवस्थामा फेला परेको थियो। मृतकको पेट र छातीमा धेरै गम्भीर चोटहरू भेटिएको छ। प्रारम्भिक जाँचले उसको हत्या गरिएको देखाउँछ।
आज बिहान स्थानीय बासिन्दाहरू बाहिर निस्कँदा उनीहरूले युवकको शव देखे र तुरुन्तै पुलिसलाई जानकारी गराए। घटनाको जानकारी पाएपछि वरिष्ठ पुलिस अधिकारीहरू, अपराध शाखा र एफएसएल (फरेन्सिक साइन्स ल्याब) टोलीहरू घटनास्थलमा पुगेर अनुसन्धान शुरु गरे।
जानकारी अनुसार, मृतकको पहिचान नेवरा निवासी ललित यादवको रूपमा गरिएको छ। अहिले पुलिसले युवकको शव पोस्टमार्टमको लागि पठाएको छ र हत्याको मुद्दा दर्ता गरी अज्ञात संदिग्धको खोजी गरिरहेको छ। तिल्दा पलिसले युवकको हत्या गरी यहाँ फ्याँकिएको आशंका व्यक्त गरेको छ। स्थानीयहरूसँग सोधपुछ भइरहेको छ र घटनास्थलबाट प्रमाण सङ्कलन भइरहेको छ।
हिन्दुस्थान समाचार / भवानी थामी
18 Dec 2025
