नयाँ दिल्ली, 25 दिसम्बर (हि.स.)। राष्ट्रपति द्रौपदी मुर्मूले बिहिवार सन्ताली भाषामा भारतको संविधानको औपचारिक लोकार्पण गरिन्। यो संविधान सन्ताली भाषाको अलचिकी लिपिमा प्रकाशित भएको छ।
यस अवसरमा राष्ट्रपति भवनमा आयोजित समारोहलाई सम्बोधित गर्दै राष्ट्रपति मुर्मूले भनिन्, यो सन्ताली समुदायको लागि गर्व र खुशीको कुरा हो कि भारतको संविधान अब आफ्नै भाषा र लिपिमा उपलब्ध छ। यसले सन्ताली भाषी मानिसहरूलाई संविधान प्रत्यक्ष रूपमा पढ्न र बुझ्न सक्षम बनाउनेछ। संविधानको भावना र यसका अनुच्छेदहरूलाई आफ्नै मातृभाषामा बुझ्ने अवसर पाउँदा लोकतन्त्र अझ् बलियो हुन्छ।
राष्ट्रपतिले भनिन्, 2025 वर्षलाई अलचिकी लिपिको शताब्दी वर्षको रूपमा मनाइँदैछ, र यति महत्त्वपूर्ण वर्षमा अलचिकी लिपिमा संविधानको प्रकाशन अत्यन्तै प्रशंसनीय छ। उनले यसका लागि केन्द्रिय कानून तथा न्याय मन्त्री र उनको टोलीको प्रशंसा गरिन्।
राष्ट्रपतिले आफ्नो सम्बोधनमा भनिन्, ओडिशा, झारखण्ड, पश्चिम बंगाल, असम र बिहारमा बसोबास गर्ने सन्ताली समुदायले अब आफ्नो मातृभाषा र लिपिमा लेखिएको संविधान मार्फत आफ्नो अधिकार र कर्तव्यहरू राम्रोसँग बुझ्न सक्षम हुनेछन्।
समारोहमा उपराष्ट्रपति सीपी राधाकृष्णन र केन्द्रिय कानून एवं न्याय राज्य मन्त्री अर्जुन राम मेघवाल सहित धेरै गणमान्य व्यक्ति उपस्थित रहे।
उल्लेख्य, सन्ताली भाषा भारतको प्राचीन जीवित भाषाहरू मध्ये एक हो। यसलाई संविधानको 92औं संशोधन अधिनियम, 2003 को माध्यमले आठौं अनुसूचीमा सामेल गरिएको थियो। यो भाषा मुख्यतया झारखण्ड, ओडिशा, पश्चिम बंगाल र बिहारमा आदिवासी समुदायद्वारा ठूलो संख्यामा बोलिन्छ।
हिन्दुस्थान समाचार / भवानी थामी
