ग्वाटेमाला शहर, 28 दिसम्बर (हि.स.)। पश्चिमी ग्वाटेमालाको इन्टर-अमेरिकी राजमार्गमा शनिवार भएको दुःखद सड़क दुर्घटनामा कम्तिमा 15 यात्रुको मृत्यु भएको छ भने 19 जना घाइते भएका छन्। अधिकारीहरू अनुसार, एउटा यात्रु बसले नियन्त्रण गुमाएपछि भीरबाट तल झऱ्यो, जसले गर्दा घटनास्थलमा कोकोहोलो मच्चियो।

स्थानीय अग्निशमन विभागका प्रवक्ता लियान्ड्रो अमाडोले मृतकहरूमा 11 जना पुरुष, तीन महिला र एक नाबालिग रहेको बताए। दुर्घटनापछि उद्धार टोलीले घाइतेहरूलाई नजिकैका अस्पतालहरूमा पुर्यारयो, जहाँ धेरैको अवस्था गम्भीर रहेको बताइएको छ।

सोलोला विभागमा 172 र 174 किलोमिटरको बीचमा दुर्घटना भएको हो। यो क्षेत्र बाक्लो कुहिरोको लागि परिचित छ, जसले दृश्यतालाई उल्लेखनीय रूपमा कम गर्छ र दुर्घटनाको जोखिम बढ़ाउँछ। प्रारम्भिक जानकारी अनुसार, खराब दृश्यता र सड़कको अवस्था दुर्घटनाको कारण हुनसक्छ।

दमकल विभागले साझा गरेको तस्वीरहरूमा क्षतिग्रस्त बस खाड़लमा परेको देखाइएको छ जबकि उद्धारकर्मीहरूले यात्रुहरूलाई उद्धार गर्ने प्रयास गरिरहेको देखिएको छ। अधिकारीहरूले घटनाको अनुसन्धान शुरु गरेका छन् र दुर्घटनाको सही कारण पत्तो लगाउने प्रयास गरिरहेका छन्।

हिन्दुस्थान समाचार / भवानी थामी