नयाँ दिल्ली, 09 दिसम्बर (हि.स.)। प्रधानमन्त्री नरेन्द्र मोदीले दूरदर्शनको ‘सुप्रभातम्’ कार्यक्रममा प्रत्येक दिन प्रसारित हुने संस्कृत सुभाषितहरूको उल्लेख गर्दै भने, यो परम्पराले भारतको सांस्कृतिक तथा आध्यात्मिक विरासतको निरन्तरतालाई अभिव्यक्त गर्छ। सुप्रभातम् कार्यक्रमले हरेक बिहान संस्कार, मूल्य र संस्कृतिको सुन्दर संगम प्रस्तुत गर्दछ।

प्रधानमन्त्री मोदीले मंगलबार एक्समा पोस्ट गर्दै उक्त कुरा बताएका हुन्। आफ्नो संस्कृतमा लेखिएको सन्देशमा उनले उल्लेख गरे, दूरदर्शनको सुप्रभातम् कार्यक्रममा दैनिक एक सुभाषित प्रस्तुत गरिन्छ, जसमा जीवनसँग सम्बन्धित विभिन्न पक्षहरू समेटिएका हुन्छन्। उनले आफ्नो पोस्टमा संस्कृत श्लोक पनि लेखेका छन्।

प्रधानमन्त्रीले पोस्टमा थप उल्लेख गरे, सुप्रभातम् कार्यक्रममा प्रसारित हुने यी श्लोकहरूले केवल भारतीय संस्कृतिको समृद्धि मात्र प्रदर्शित गर्दैनन्, नयाँ पुस्तालाई भारतीय ज्ञान परम्परातिर आकर्षित पनि गर्छन्। भारतीय भाषाहरूमा, विशेषगरी संस्कृतमा निहित ज्ञान र विचार आज पनि समाजलाई प्रेरणा दिने स्रोत बनेको छ।

---------------

हिन्दुस्थान समाचार / भवानी थामी